comScoreTag

【有無誠意睇呢鋪】見工前5件事

【有無誠意睇呢鋪】見工前5件事
撰文:亦然

見工為咗咩?無錯,係辭工,辭咗宜家做緊既個份XX工(真話廢事講)。既然要有個新開始,所以當要奮身去準備見新既工,務必注意以下5件事︰


1/ Recall下自己交過嘅CV
「你介紹下自己。」「你點解覺得自己適合呢份工?」見工少不免聽到呢兩條問題,可能你都會想問番轉頭,「你有無睇CV?」雖然呢個Moment你好想反眼,但問之前,你又有無問自己份CV寫過咩?見工前不妨翻睇再翻睇自己份CV,皆因大部分人搵工永遠都係幾百份CV幾百份CV咁寄出去,最多每份都執少少、再執少少,好大程度上真係會唔記得自己寫咗啲咩。

2/ 起面試官底
大公司通常都會將啲管理層嘅背景資料擺上公司網站,上去睇下邊個有機會In你,然後再搵埋佢地既LinkedIn,了解下佢地既背景,再望下你地之間有無共通點,例如專業方面,又或者興建方面。所謂知己知彼,百戰百勝。

3/ 起公司底
公司嘅規模、架構等等都可以係網上搵到。如果你無睇到,對方問到而你唔識嘅話,就扣晒誠意分喇。所以,見工前你可以上去公司網站又或是留意相關新聞,以了解公司嘅文化及架構。

4/ 睇下份工嘅工作內容
見工最後都有個環節係輪到你問問題,如果你問:「其實份工做咩架?」必會大扣分,除非招聘廣告入面寫得好簡陋,你可以引用下佢寫嘅內容,再針對當中的職務問一相關問題。遇到寫到好詳細嘅Job Descriptions時,你就要將自己嘅經驗去說服僱主請你。

5/ 行業基本認識
入邊行打邊份工都要視乎行情,要見嘅公司係大企定係中小企、係獨市還是多競爭對手,睇完要見嘅個間公司資料外,再睇埋競爭公司嘅資料,咁就萬無一失啦!

上載日期:2017年4月20日
Tags:
Look out for further updates on our Facebook fan page!

Related Articles

More