求職者4大「以為」 HR原來咁樣睇

求職者4大「以為」 HR原來咁樣睇
CTgoodjobs 編輯部
不敢轉工,因為以為搵工不容易;隨便遞信辭職,因為以為自己「有後路」;不肯跳槽,因為以為公司最好……每個「以為」都深深影響著打工仔的選擇及行動。以下列出求職者搵工面試時最常出現的4大「以為」︰

1/ 以為前老闆唔講得

錯誤示範:「上次個HR問我『最唔鍾意上一份工啲乜?』我咪話無囉,一句都無數過前老闆。」

HR認為:「咪以為『陳述』同『唱衰』無分別。求職者一個『無』字,我地會認為佢地有所隱瞞,絕對會扣分。」

重點︰求職者大方回應客觀而有建設性的善意批評,有助突出個人正面特質。例如:「前上司嘅溝通模式比較單向,容易產生誤會,咁令我更體會到雙向互動溝通係好重要。」

2/ 以為見工面試時,說笑有助緩和緊張氣氛

錯誤示範:「今日面試一開波我就講個爛Gag,個HR唔笑不突止,竟然重『疑似』黑我面。」

HR認為:「咪以為你識講笑,人地就一定識笑或者會陪笑。」

重點︰HR請人時通常持認真態度,建議求職者「睇餸食飯」,遇著嚴肅HR就切忌嬉皮笑臉;不過遇著親切的,則不妨說笑,提升好感。唯黃色、低俗、無品笑話,講一個都嫌太多。

3/ 以為爭取機會問問題實無死
錯誤示範:「上次見工我狂問問題,仲多過答問題,係咪醒先?」

HR認為:「咪咁單純以為『問問題』就係王道。須知道,搵工面試,問無聊問題仲衰過唔問。」

重點︰高明、言之有物地發問才是搶分關鍵。提問次數須視乎對方的回應來決定,假如面試官表現抗拒,那就切忌追問;相反,若雙方愈傾愈起勁,那就不妨多加提問。

4/ 以為面試時絕不能提及薪酬福利等敏感話題
錯誤示範:「個HR問我Expected Salary係幾多,我梗係幾歹都唔講啦,唔講得架嘛!」

HR認為:「係,薪酬福利係敏感,求職者不宜多提,否則未免表現得太市儈。不過,如果HR問到,求職者無得唔答。」

重點︰討論人工視乎Timing,若面試官主動提出,即代表時機已經成熟,求職者不妨大方提出薪金要求。而金額方面,務必保留議價空間(稍高於底價10%至15%為宜),好讓對方還價。
Look out for further updates on our Facebook fan page!

Related Articles

More