comScoreTag
FancyBox
FancyBox

人際八卦

瀨咗嘢唯你是問!


董德少



difficult boss
愈多人一齊瀨咗壇嘢去,真正瀨嘢的機會愈低。

「邊有包生仔架?德少。」一向處事積極的同事Q無奈。「哈哈,有咗呀你?」我亂問,但求緩和氣氛,皆因Q是男同事,只有苦笑說︰「虧你笑得出……」

「咩料?」我問。

「你老闆呀!」Q不是借啲倚講粗口,而是真的說「我們的老闆」。他繼續︰「又叫我諗下點做好個Project,咪諗囉,諗到我連發夢都諗住壇嘢……我有ideas就同佢講,問佢有咩comments,你知唔知佢講咩?」

我當場愣住,並非因為不知道老闆說甚麼,反而是因為太知道他會說甚麼,卻基於身份與職責關係,我要堅守專業原則,不宜發表甚麼,只好明知故問︰「講嚟聽下。」

Q奸笑道︰「德少,你真唔知?定假唔知?」隨即瞄了瞄我心虛的反應,再說︰「得喇得喇,算啦!當你唔知,反正我想爆下啫!佢問我︰『你真係覺得條蹺work?』大佬呀,我梗係覺得ok先拎出嚟講,不過邊有包生仔架……」

「你真係覺得work?」一句是萬能的,老細果然是老細,潛台詞是「瀨咗嘢唯你是問!」很多構思要實行了才知道結果。當然,所謂「效益」可以吹到天花龍鳳,但對於務實的Q來說,就是「啞咗」。

「德少,點搞?」Q將在太空漫遊的我,召回來危險的地球。

「咁你當時點答?」

「我識鬼答,唔通反問佢邊個女人包生仔呀?識答就唔會落得咁下場。佢話轉頭再傾囉。」Q一副死狗的模樣。

做人做事,嘢是瀨不完的。大家都怕瀨嘢,愈怕就愈裹足不前,就愈瀨嘢。其實,即使生個仔出來,亦不保證一定會行會走會報答父母。

「點呀,壇嘢咩嚟?齊齊死掂佢!」我相信,愈多人一齊瀨咗壇嘢去,真正瀨嘢的機會愈低。而齋傾是生不出孩子的。

延伸閱讀︰
- 你辭職,我孭飛?

- 同情是對敵人最大的侮辱

- 你hea我hea佢

- 侮辱性加薪

- 80後笑90後

上載日期︰2014年4月7日
讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email