【熱話】一個月請幾多日SL? 最差嘅請假藉口係…

【熱話】一個月請幾多日SL? 最差嘅請假藉口係…
CTgoodjobs 編輯部
相信每位打工仔都試過請病假「射波」,一次半次無傷大雅,但如果次數頻密、或者理由牽強,就可能會因此與上司交惡,甚至影響自己的仕途。

大部分公司都會提供有薪病假的福利,近日有網民以「一個月請幾多日SL」為題發帖文,綜合各打工仔的「Call Sick次數」。帖文一出,網民大致認為平均2至3個月請1日病假屬正常頻率。

網民回應
網民A:多數係為見工而請SL!
網民B:好睇公司文化,大公司通常好多人都會用盡每個月2日Quota。
網民C:視乎忙唔忙,忙就射唔落手,費事放完假返黎Workload仲大。
網民D:主要睇你班同事有冇請開,唔好同其他人有太大對比。

5大「老細最容易接受」的病假理由
打工仔偶爾射波屬人之常情,不過Call Sick藉口必須合情合理,有調查就指出不少老細都認為「傷風」是最差的請假理由。為免因請假而與僱主交惡,大家不妨參考以下5大「最合理」的射波原因:

第1位 — 腹瀉:腹瀉病人可謂要「以馬桶為家」,除非把電腦和文件都搬進洗手間,否則還是留家休息較為恰當。

第2位 — 嘔吐:嘔吐不止使你無法專心工作,勉強上班更有可能吐髒辦公室,尷尬之餘又影響其他同事。

第3位 — 頭痛:頭痛並無表面病徵,不過嚴重就會影響打工仔的辦事效能,隨時令工作出錯,拖慢團隊的進度。

第4位 — 生水痘:水痘雖是兒童常見疾病,但成人同樣有可能中招!水痘是由帶狀疱疹病毒引發的傳染病,可以經飛沫、直接接觸傳播,傳染性極高。

第5位 — 扁桃腺發炎:扁桃腺發炎可大可小,輕則會引致喉嚨紅腫、疼痛,重則會出現頭痛、耳痛,甚至周身骨痛的症狀。


Look out for further updates on our Facebook fan page!

Related Articles

More