【熱話】做政府工磨滅鬥志? 3招助你重拾工作熱誠

【熱話】做政府工磨滅鬥志? 3招助你重拾工作熱誠
CTgoodjobs 編輯部
不少打工仔都視政府工為「筍工」,因其「薪高糧準福利多」。然而,近日卻有打工仔於討論區發文訴苦,指做政府工磨滅鬥志,「令人唔想再拼搏」。

做政府工尤如「入溫室」?

事主指自己自從當了公務員後,便欠缺動力進修及學習新事物,更指畢業後當然是想一展所長,但「政府工做緊嘅嘢唔會有地方比你試新野」。帖文一出,有網民和應事主,認為做政府工等同走進「溫室」,為求安穩令自己一直無甚進步,更分享朋友的類似經歷:「做咗三年政府工,對一切都隨遇而安,反正做唔做,搏唔搏都冇分別,反正都係排隊升,只要唔好犯大錯,乖乖地就得…..」。

此外,亦有其他網民反駁,認為事主不求進步只是「個人問題」:「有無心學更多技能、語言,一切都係睇你自己,將來有一日可能就會變成你嘅機遇。」更認為自我增值對他日轉換工作都有幫助,事主準時放工理應有更多私人時間進修。

3招重拾工作熱誠

事實上,如果心態不正確,不論是做政府工還是私人企業,一樣會被磨滅鬥志,想Keep住團火,就要學識:

1. 持續進修
無論你已獲得多少工作經驗,都仍然可以學習新事物,所以不宜抱著「自己是專家」的態度,應多加留意與工作領域相關的最新資訊,保持好奇心並持開放的態度。

2. 冒險精神
不少打工仔都會覺得「唔做唔錯,多做多錯」,因而不會付出100%的努力來工作。然而,擁有冒險精神卻能令你的人生有更多不同的經歷與體會,無論在職場上或個人成長方面都有幫助。

3. 放棄完美主義

成為一個完美主義者並非一件好事,相反可能會增添工作壓力。正因完美主義不容忍任何錯誤,令你失去從錯誤中吸取教訓並向前邁進的機會,有時盡力而為反而可以獲得更好結果。
Look out for further updates on our Facebook fan page!

Related Articles

More