【熱話】網民分享辭職前的掙扎 被老細拒絕要點應對?

【熱話】網民分享辭職前的掙扎 被老細拒絕要點應對?
CTgoodjobs 編輯部
職場上離離合合乃兵家常事,而打工仔辭職前必定會面對一種掙扎,就是難以預測上司的反應。有網民在討論區發帖文訴說,劈炮前一星期獲上司邀請食飯,本著「好來好去」的心態,發文者固然答應出席,豈料上司在席間竟……

網民:遞信之後我驚老細分分鐘發癲!
發文者表示,其上司無故邀約食飯,更在席間鼓勵他:「上司唔知係咪feel到我想走,特登請我食飯,又叫我可以提出佢(上司)有乜做得唔夠好,我梗係冇講。佢仲讚我對工作好有熱誠。」事主又補充,其上司為一名女性,暗指難以猜測她得知下屬離職後的反應,因女上司通常較為情緒化。「我準備下星期遞辭職信,同事話老細分分鐘會發癲!」

網民反應

網民A:人哋同你好聲好氣講咗咁多,你突然玩辭職,唔癲至奇!
網民B:通常啲細公司實會發癲,教識你做嘢就走,佢又要重新train人。
網民C:間公司又唔係你嘅,有好路數梗係走啦。
網民D:你係有料嘅話,上司自然會留你啦。
網民E:東家唔打咪打西家,上司無理取鬧,唔使理會佢反正都唔做。

老細收信後反應各異 教你應對方法
遞辭職信後,老闆可能會動之以情、說之以理挽留你,也可能翻臉無情、伺機暗箭傷人。面對上司難以估計的反應,打工仔應如何應對?

老細反應:以名利挽留

老闆以加薪或升職作挽留籌碼,這個留才攻勢,代表老闆很重視你。

例句
「你有咩要求即管開聲,人工方面我地可以再商量下。」
「你辭職對公司係一大損失,話晒條Team你都跟咗咁耐。」
「你做到年尾,我實升你!」

應對方法︰想清楚自己的立場。留下來,人工或更高,職銜或更好,但轉職與否還須考慮其他因素,例如職涯目標、工作滿意度、新工作的發展機會等。

老細反應:不滿但接受
老闆對你請辭感到不滿,並在通知期內對你惡言相向、冷嘲熱諷,或拒絕與你作任何互動。

例句
「都話啲後生仔唔捱得啦。」
「公司對你不薄,點解你咁不負責任?」
「係咪搵到新工?其實呢行轉去邊都一樣,出面未必好過我哋。」

應對方法︰正所謂「凡事留一線,日後好相見」,須知道轉工非轉行,得罪前老細對自己沒有好處。面對上司的冷言冷語,打工仔最好沉著氣,禮貌地請辭,並表明自己會盡量協助團隊過渡、做好交接的工作。

Look out for further updates on our Facebook fan page!

Related Articles

More