【熱話】談裸辭的利弊 做好準備其實無難度?

【熱話】談裸辭的利弊 做好準備其實無難度?
人生流流長,總會遇上一兩份不適合自己,甚至令你感到厭煩的工作。然而,香港地物價高,百物騰貴,要維持生活水平,打工仔即使多麼想辭職,大多都會先找到一份新工作,再遞信請辭。有網民在討論區發帖,形容裸辭後再揾工,是最有勇氣的表現,引來熱議。

上班期間揾工制肘多 裸辭後才有動力
發帖的網民分享指,自己全職工作一年多,發現找工作的過程十分麻煩:「每次面試都要準備相、文件印刷本和履歷表,搞完一大輪又唔請,心力交瘁」。為了能專心找工作,他最近決定裸辭:「遞信後要請假見工都不會不好意思」。不少網民都認同裸辭的做法,主要原因是上班期間不方便見工:「隔幾日又要請一次假,都唔好意思扮病」,「返工期間一個月最多拎兩日病假去見工,反而裸辭之後就好有動力揾工」。

不過,亦有不少網民表示曾經裸辭揾工,並感到十分後悔。有人認為裸辭風險大,若一段時間都未找到新工作,很大機會被公司壓價:「HR見你幾個月無工返,最多俾上一份工嘅人工你」,「裸辭一定要諗清楚,我隔咗一年先揾到工」,「日日無工開,不斷被屋企人黑面」。

做好準備 裸辭其實無難度
到底裸辭是否勇氣的表現就見仁見智,不過只要先做好以下準備,裸辭其實無難度。

1/ 現金流
至少要有6個月或以上薪金,為裸辭後一段沒有收入日子做好準備。

2/ 儲蓄
除了現金流,還要有一定儲蓄以應付突發開支。

3/ 與家人溝通
辭職後沒有收入將會直接影響你和家人的生活,因此在作出決定前應先與家人商量。若然你作為家中的經濟支柱,更要讓家人有心理準備,接下來一段日子可能生活質素會受到影響。

4) 節制
在沒有收入的日子,就要學會減少物慾,改變消費方式,例如減少外食和娛樂。

Look out for further updates on our Facebook fan page!

Related Articles

More