comScoreTag
FancyBox
FancyBox

Self-enhancement

生存之道,你懂的!


賈心潔



food chain

每個人都有他的一套生存之道,不到x那天,是x不去的。

「N話喎︰『我做咗咁多年人,我識生存架啦』架啦喎!」朋友Q七孔冒煙。「個激動位喺邊?」我不明白Q激動甚麼,並非「撩是鬥非」。「佢識生存,我就唔使咁肉緊啦!」Q立即在小妹眼前變成一隻被挑釁的蟹。

「小姐,而家唔識生存嗰個係你,你無資格教人。」我愈不帶任何感情,Q愈激動,彷彿連我的負面情緒都全部轉移到她身上去,愈覺有趣。

「唔係呀嘛!呢個世界真係愈嚟愈陌生,連你都認同佢。」Q聲線中帶著一絲顫抖,脆弱的小心靈似乎真的為著「地球是圓的」一般尋常不過的疏離感而深受打擊。

「近墨者黑,你近來係咪近得N太多,成個人天真晒。」我望望她偷笑一下,繼續︰「佢話佢識生存,咪識囉。皇帝唔急,你啲太監急咩啫?你憑咩認為佢唔跟你行就係走歪路?」

Q不說話,我就知道她會回來。

每個人都有他的一套生存之道,不到x那天,是x不去的。不到最後一刻都不知是對是錯;而更多時候,是就算到了最後,還說不準誰對誰錯;或者這樣說,都到最後一刻了,對對錯錯又有甚麼意義呢。因緣際遇,天時地利人和,即使是同一人物同一個抉擇,在不同的處境就有不同的效應,是蝴蝶、黑天鵝,還是厄爾尼諾或甚麼,天曉得!還有人說,要發生的終會發生。說穿了,都是自己的事,自己負責。

「都係,我覺得最好嘅,對佢嚟講又未必最好。」做咗咁多年人的Q,果真回來了。

「其實我先最唔識生存,否則真係睬你都傻!」識生存與唔識生存之間,真有很大空間喔!

延伸閱讀︰
- 年度翻炒︰回顧與展望

- 你點知人地唔鍾意你?

- 擔心連阿媽也養不起

- 不明白很正常我們不是同類

- 我們都曾經如此不知所謂過

上載日期︰2014年1月10日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email