男人鍾意幾蠢的女人？

撰文︰賈心潔

要鍾意聰明嘅人，首先你自己要聰明。 「Hey，問你一個問題丫。」我望著男性朋友A，懶親切地說。已習慣我「扮女人」手段的他，應付自如︰「咪嚟喇你，知你無好嘢，唔答你又嬲，問啦。」我就不客氣了︰「你地男人呢，鍾意蠢到邊個程度嘅女人？」 「咩程度呀……」A搔一搔頭，將焦點放到很遠很遠的地方，若有所思。他，中招了。 我認，我又在問題裡落藥——「蠢到邊個程度」，分明是個伏。無論A如何招架，都是在說「男人係中意蠢女人」，水洗都唔清。 「其他男人我唔知啦，我唔鍾意蠢嗰批嘅。」A自鳴得意。 「咁要點唔蠢法？」留意番，耍來耍去，都耍不走個「蠢」字。 「要溝通到囉。」A望望我，又將焦點放到很遠很遠，繼續︰「我識得一個我覺得好靚嘅，不過講嘢真係零內容……都唔得架。」 最近報道，英國劍橋大學專研進化論的生物學家David BainBridge教授指出，比起豐滿身材，男人更愛高智商的女人。他坦言，男性的確偏好大胸女性，不過重點不在於「大」，而在於「看起來較對稱」；至於長腿，男性實際上並無太大興趣。他表示，男人所鍾情的，是聰明、學識高、有教養的女人，因為這意味她們將來會是負責任的母親。 說來說去，不是聰明與蠢的問題。 而所謂「溝通到」，就是思想上的門當戶對。 我的結論是︰要鍾意聰明嘅人，首先你自己要聰明。男女適用。 延伸閱讀︰ - 4點識破︰這個人信不信得過？ - 我尋你開心，你尋…… - 賤男，身邊總有一兩個？ - 【旺夫的女人長這樣】 - 【辭職】要多大勇氣？ 上載日期︰2015年5月29日