comScoreTag
FancyBox
FancyBox

Workplace Gossip

當好人遇上人渣


賈心潔



love
不是你的,爭也爭不來;是你的,推都推不走。
「車,佢要嘅話,而又拎得走,咪攞去囉!」正當大家為導演偷食事件捶胸頓足之際,朋友P瀟灑掉下一句話。大家肉緊,因為幾乎有著切膚之痛;而P的大方,大概因為曾經滄海。

是的,愛情這回事,說穿了就是「我尋你開心,你尋我開心」;合則來,不合則去;不是有人死不放手,某某就不會走,更並非某某回頭,有人就要接受。

P,曾經遇過小三。P雖然算不上「極品女神bb」級別,但勝在五官端正——就是小三小四五六七所欠奉的一種正印氣質;而且唔黐身、人又玲瓏剔透,絕對不會給男人無謂的壓力,一直有價有市。就是了,好女人一生中總會遇上一個半個人渣……(不是說壞女人每每遇的都是好人,但基於她們亦有潛質成為好男人的「人渣」,就扯平當無數。)

男友斷正的經過以及小三的質素就不好說了,反正千篇一律不值一提。「吖,前幾日gathering見到佢,佢又問起你呢。」朋友T的男朋友,是斷正男的死黨,因此不時為P帶來些小道消息。

P只笑笑沒說話。是淡淡的,無怨無恨,曾經有過的愛情真的在某時某刻揮霍殆盡了。

初斷正,斷正男人間蒸發足足1個月。P當時亦沒說話,但也沒笑。有一天,電話來了,斷正男以一句「我地不如從頭嚟過」箍煲成功。從此之後,斷正男真的馴如綿羊,貼貼服服。我們為P守得雲開而感恩。

「佢其實真係變乖晒,連我男朋友都話佢轉晒死性。」T說。

P又笑笑,依舊沒說話。

「佢好似未有女朋友,等你等咗2年喇。你地嗰時喺番埋一齊,重以為可以開花結果,點知你又嗌分手。其實佢真係已經為你改變咗好多。」T有間諜之嫌。

「問題,咪就喺呢度囉。佢已經唔再係曾經我好鍾意嘅嗰個佢喇。」P終於開腔回應。

愛情來的時候,我們都不問緣由;要走了,其實是真的不需要甚麼冠冕堂皇的藉口的。

不是你的,爭也爭不來;是你的,推都推不走。

延伸閱讀︰
- 【有無咁神?】辦公室風水10式

- 講真話咁蠢?

- 散水「戲」法

- 返屋企食飯

- 班人有無咁難約?

上載日期︰2014年5月30日
讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email