【當局者迷】求職者應有的9種思維

【當局者迷】求職者應有的9種思維
CTgoodjobs 編輯部
當局者迷,有時求職者太急於搵工跳槽,不知不覺會越來越心急,越搵越搵唔到。想搵好工的心情不難理解,但建議求職者不要「盲搵」,寫CV、寫求職信、見工面試忙到頭昏腦脹之際,不妨讀讀以下9句,看看自己有沒有做齊,即使一時無得著,亦保證不會有損失:

1/ 搵工要搵份自己有興趣的,為轉工而轉工「唔理好醜但求就手」,只會墮入萬劫不復的跳槽漩渦,說穿了就是逃避現實。

2/ CV和求職信不是越長愈越好,亦不是吹得越勁越好,最緊要寫得到位。

3/ 搵工無捷徑,CV和求職信不能盲目Send,每一套求職文件只能為某一個職位度身訂造,不能偷工減料。

4/ 不管是寫CV、求職信、還是見工面試,都是熟能生巧的「技能」,訓練有素自然應付自如。

5/ 有想做的職位、部門或企業,即使沒有招聘廣告,求職者大可抱著不妨一試的心態寄CV,或許會喜出望外;最壞打算亦只不過是「大不了咪唔請」。

6/ 今次跳槽成功,不一定就「打跛腳唔使憂」,任何一份工作都有辣有唔辣。

7/ 長期搵工還未有突破性發展的話,不一定是自己技不如人,有時可能只欠一個時機。搵工及面試過程中不斷自我檢討,從錯誤中學習,終有一天會找到心水好工。

8/ 唔使做,而又賺到大錢的高薪厚職……並不存在。

9/ 停一停,諗一諗。放鬆心情,盡力而為。



Look out for further updates on our Facebook fan page!

Related Articles

More