comScoreTag
FancyBox
FancyBox

人際八卦

當老細「阿水」


賈心潔



first kiss
要擁吻陌生人?還是擁吻……老細?

最近hit爆網絡的《First Kiss》短片,讓我想起一向尖酸到無譜的朋友C,是這樣分享單身旅行經歷的︰「佢地真係好好人,肯幫我影張相。」「咁好嘅,問下路就教埋我搭車。」「嘩,超好人,唔識嘅都遞張紙巾畀我」……關於外地遇到的人與事,他罕有地讚口不絕。

「唔該,我夠成日幫你影相、點條生路你行,又遞紙巾咯,又唔見你讚我好人?!」我投訴。

匈牙利電影製作人Tatia Piliev,邀請20位互不相識的男女拍攝短片,要求他們首次見面接吻。影片細膩地捕捉兩個陌生人如何打破隔膜,從怕醜尷尬,到握手問好,到蜻蜓點水式輕吻,再到激情擁吻難捨難離,彷彿前世情侶隔世重逢。約3分半鐘的短片,至今已吸引逾4500萬點擊。

以為跟陌生人隔膜最大,其實不然。「人在異地,道德水平特別低落。」C笑說。聽起來相當無稽,然而愈嗒愈有味。

不是嗎?如果老細和陌生人揀,姑且撇除性別問題,要擁吻陌生人?還是擁吻……老細?(單是打出「擁吻老細」4個字,小妹已經心虛到縮縮北行鳥!)

「去旅行可以做埋啲弱智嘢,貪無人識丫嘛。好似做咩都唔使負責任咁,就可以衝破道德枷鎖底線。」C企圖以理性解釋毫無邏輯可言的思維。

「你當自己係邊個?喺香港咪又係無人識你,你咪又係咁不負責任。」我藐爆。

「車!你唔好理,總之唔同啦。」

也許C是對的。如果,將老細和不好相處的同事都視作陌生人,返工的日子會不會好過一點?「嘩!真係好喇,我地毫不相干,佢都咁信我交帶嘢畀我做。」「超好人,三九唔識七都請我食飯。」「好感恩,有個阿水個個月出糧畀我喎!」

不信?不如拍一條片,要求20對老細和打工仔互吻,看看能夠拍出些甚麼!

唯有距離,讓我們走得更近。


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email