新冠肺炎的疫情影響下，除了食肆首當其衝面臨大型的結業潮外，對婚嫁行業的影響也不少。在限聚令下，不少婚禮及婚宴都得延期，而婚禮攝影師因此苦無工作。
今年29歲的AC是一位婚禮攝影師，主要負責拍攝婚禮當日的影片，他指以前平均一個月接11至12單工作，現在卻變得屈指可數。然而，樂觀正面的他沒有終日愁眉不展，反而把握這個機會多拍不同類型的影片，他笑說：「我開始拍片教人剪片同影相，想開創多條路線之餘，亦宣傳一下自己。」
撰文、攝影：霍芷晴
延伸閱讀：【疫下自救】限聚令下餐廳生意大跌 店主拍片賣食材包自救
AC與4位朋友在2019年時開設了工作室「日子」，場地佈置簡約美觀，方便接攝影工作、租場予客戶和安置器材，「我哋5個人都有唔同專長，有導演、燈光師、攝影師同錄像師，除咗個人工作外，仲會接好多團體工作，工作類型包括MV、廣告同活動，但婚禮都係最主要收入來源。」
日子可供租場使用，最近還擴充了，各項細節都見心思：（點圖放大）
他指生意有明顯下滑是在今年2月時，「接job少咗一半，收入都少咗一半，2月時真係插水式咁少咗好多客，因為大部分婚禮都延期同取消。」然而，當問及AC那時有沒有很擔憂，他淡淡然地說：「本身冇諗過會歷時咁長，所以都冇太擔心，反而覺得多咗咁多時間，要學習新技能自我增值。」
觀眾反映覺得太難
AC對市場營銷方面很有興趣，所以會看相關的網上教學片，「學多啲市場營銷技巧，對日後發展都有幫助。而我都幾鍾意呢類知識性高嘅影片，覺得呢類有價值的內容會有市場，所以就試吓自己拍教學影片，教大家剪片軟件運用、拍片器材使用、同日常拍攝小貼士。」
不過，他坦言有些觀眾反映影片所教授的技巧太難，「我拍嘅YouTube教學片，對某啲觀眾嚟講可能太進階，但都有觀眾話啲技巧好幫到手，甚至話想搵我一對一咁教班。內容上，我都會作調整，YouTube分享知識性偏高嘅內容，而instagram就分享日常拍攝技巧，例如點樣影女朋友同影食物技巧等，呢類反應都幾好。」
AC拍的教學片都非常高質：（按圖了解）
AC自言一開始要親自對鏡頭拍片，實在不習慣，「我試過用相機拍時，配合使用字幕機，咁樣上鏡效果會自然啲；另外，我特登逼自己連續拍咗5日igtv，幫自己克服對鏡頭嘅敏感度。」上鏡可以克服，但難道他不怕負評和被觀眾攻擊嗎？他笑說：「我怕冇錢，多過怕畀人攻擊！」
幫公司做staff training
而自從開設了YouTube頻道後，自己的曝光率高了，身邊的朋友開始知道他的工作性質及技能，所以工作類型亦有點突破，「有公司睇咗我教剪片嘅影片，就搵我用Zoom教佢哋嘅員工剪片，因為疫情影響下，佢哋平時要處理好多網上日常事務，所以想幫員工進修。做staff training對我嚟講幾新鮮。」
AC自言接拍的工作類型比以前多：（按圖了解）
說到新鮮感，AC表示，因為婚禮工作近乎零，所以自己都嘗試接更多不同類型的拍片工作，「幫人拍跳舞教學片、大學宣傳片、網上課程宣傳片及網上畢業禮都試過！疫情下，其實好多公司都轉為網上宣傳同與客人互動，所以拍網上教材同課程會成為日後大趨勢。」因此，他希望疫情過後，仍然會向這方面發展。
「日後會考慮推出網上課程教學，愈做愈成熟及上軌道。」他表示，疫情確實令收入少了，但卻令自己的技能有所提升，眼界亦更廣。
延伸閱讀：【職人專訪】藍橘子莎比亞︰無懼書展延期 網上賣書竟成優勢
延伸閱讀：【抗疫WFH】打工仔篇：WFH改變工作模式 大學技術支援：喺屋企仲忙過返工
延伸閱讀：【抗疫WFH】打工仔篇：WFH改變工作模式 記者：網媒要適應任何狀況
延伸閱讀：【抗疫WFH】打工仔篇：無法WFH的行業 外賣員：冇錢冇得生存 比中招更可怕
CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！
【職場熱話】新入職同事升職快過直升機 事主：教佢做完就被人炒咗
【職場衣著】女上司用A貨返工被同事笑 打工仔︰點踢爆佢好？
【奇怪面試經歷】見工HR查家宅 一個問題被嚇窒 打工仔︰我以為In卧底
【網絡熱話】返6日工好搵笨？ 網民大呻：返5日半先最慘