【疫下自救】自助烘焙店推DIY甜品盒、寵物蛋糕吸新客

近日新冠肺炎疫情有放緩跡象,限聚令亦因此放寬到四人一枱用膳,各大行業都希望能盡快回復正常,令生意有所起色。是次疫情令各行各業都想出了很多自救對策,其中在港已開設三間分店的Bake Your Own﹙下稱BYO﹚自助烘焙店,早在疫情第二波前,已推出了甜品DIY Kit,為一眾被困在家的客人提供一點娛樂,不用到店中都可以在家製作簡單的甜品;最近為了增加店內人流,又推出

自助烘焙寵物蛋糕,創辦人Vika指:「面對社會轉變,就要配合環境與時並進,轉變銷售模式之餘,亦要嘗試開源吸新客。」

延伸閱讀:【疫下自救】限聚令下餐廳生意大跌 店主拍片賣食材包自救

90後的Vika於2017年開設自助烘焙店,BYO是首批引進台灣自助烘焙槪念的烘焙店,現已有旺角、銅鑼灣及九龍灣MegaBox三間分店,一直以來的反應都不錯。不過,近年已有不少類同的品牌相繼進駐香港,Vika又會否擔心生意會受影響?修讀公關課程畢業的她淡定地說:「多咗競爭者其實係好事,多人知道呢種活動,係一個良性競爭。加上大家目標客人唔同,所以唔會太擔心,我哋主力吸引親子客人,收費由$200至$500不等,視定甜品款式而定。」

除了恆常甜品款式外,Vika亦曾與不同品牌合作出品蛋糕,如Barbie及將與L''Oréal合作:

﹙按圖了解﹚

疫情生意急跌7成
Vika指分別於3月及7月來襲的第二及三波疫情,對生意影響最大,「生意急跌7成,喺限聚令下,本身一枱可以坐10對客人,當時安排到『Z』字咁坐5對,但根本唔使用到呢個措施,因為客人本身已經大減……」她指三間店中,九龍灣店的情況最差,「試過全間店冇人,最差試過一日只做咗兩三個客生意。嗰時都幾驚,都有同業主商量減租。」

為了減少開支,Vika坦言有減省人手,「我們沒有炒人,但就安排員工返少啲日數。平時需要4人喺店面,當時減到兩個就夠。」

DIY Kit喺屋企都做到
因為不知道疫情會持續多久,所以在節流的同時,Vika同時想到的就是開源,「我哋喺4月時推出甜品DIY Kit,客人網上買後,我哋將材料預備好,然後寄到佢哋屋企,大家輕輕鬆鬆就可以喺屋企整到。」款式包括曲奇、cupcake、撻、紅豆酥、慕絲蛋糕及戚風蛋糕等,而考慮到不是每個人家中都有焗爐,所以推出了焗爐版本及免焗版本,「免焗版本主要係將蛋糕底變成餅底。」


即睇DIY Kit有咩款式揀:﹙按圖了解﹚

Vika指DIY Kit的銷量直接反映到疫情的好壞,「疫情嚴峻時,試過一日賣20單DIY Kit;而最近疫情放緩時,就試過一單都賣唔出,但多了客人到舖頭,這都是好事。而DIY Kit的成效不錯,救到生意10%至15%。」而在設計DIY Kit方面,Vika表示會挑選一些店中現有且簡單的食譜,「最好唔使用太多工具,因為未必個個會有蛋糕轉盤等大型工具;我哋會包埋簡單工具,如裱花咀、cupcake杯、燉蛋杯等。」


DIY Kit真係咁易整?即刻睇吓點整Cupcake吧!﹙按圖了解﹚

推出竉物蛋糕吸新客
近日限聚令有所放寬,Vika立即加推寵物蛋糕項目,「雖然店舖多返啲人嚟整蛋糕,但都想擴大客群,除咗之前出過素食蛋糕外,今次同樣以自助烘焙方式推出適合寵物食用嘅蛋糕,希望可以吸引新客源。」她坦言推出寵物蛋糕後,客人增長約10%。而適逢下月中秋節來臨,DIY Kit的款式更增設了冰皮月餅、奶黃月餅及傳統蓮蓉月餅。

Vika表示,在宣傳上時有矛盾,「我只係靠落廣告同埋media報道宣傳,但想有生意之餘,卻又唔想太多人冒險出街聚集,所以真係好掙札。但呢段時間,最大得着係學識調節心態,遇到疫情就要應變,改變行銷模式配合大環境轉變真係好重要,日後不斷都會推出新系列款式,希望疫情快啲退去。」

各種新款甜品,有冇即刻想去試整?﹙按圖了解﹚

撰文、攝影:霍芷晴

Bake Your Own Facebook 專頁

 

延伸閱讀:【疫下自救】婚禮工作全取消 攝影師轉拍教學片:自我增值好充實

延伸閱讀:【職人專訪】藍橘子莎比亞︰無懼書展延期 網上賣書竟成優勢

延伸閱讀:【抗疫WFH】打工仔篇:WFH改變工作模式 記者:網媒要適應任何狀況

延伸閱讀:【抗疫WFH】打工仔篇:無法WFH的行業 外賣員:冇錢冇得生存 比中招更可怕

CTgoodjobs 推出全港首創 WhatsApp 搵工平台「搵工快」,八大行業 2,000+ 前線、兼職空缺等緊你!

 


Look out for further updates on our Facebook fan page!

Related Articles

  • 【疫下自救】限聚令下餐廳生意大跌 店主拍片賣食材包自救

    阿光說:「起碼有諗法就即刻去試、去做咗先,如果唔係就一世得個諗字!」

  • 【網民職場Talk】咁都得?辭職信換解僱信 對老細有咩好處

    疫情影響下,無論大公司還是中小企,都難免因為經濟問題而需要「Cut人」,打工仔固然不想被解僱,但如果老闆開出「一係你自己遞信,一係我畀解僱信你」的選擇題,又應該如何抉擇?有網民於討論區發帖文,指老闆要解僱他,但卻讓他選擇自己主動離職,或是被炒……

  • 【網民職場Talk】老細用英文覆Email 呢句到底係真心定揶揄...

    身處香港這個華洋共處的社會,我們常有機會與不同國藉的人相處。如果是面對面溝通,可以即時提出不明白的地方,但若在Email 收到令你摸不着頭腦的語句,甚至懷疑 老闆是透過文字來揶揄你,該如何應對?

  • 【網民職場Talk】喺位食飯被人嫌臭 疫情下都要去呢到食......

    疫情之下,打工仔上班倍感壓力,既要比平時做更多衛生措施,又要不時點算家中尚餘多少口罩、酒精搓手液等。自從爆出「邊爐家族」事件後,不少人更選擇帶飯,以減少外出吃飯,隔絕一切透過飛沫傳播病毒的機會。然而,並非每個僱主都會配合員工,同心抗疫。有網民向「奴工處」專頁投稿,指公司禁止員工在辦公室吃lunch……

  • 【職場貼士】唔想再靠咖啡提神?5個返工醒神秘密武器 第一位竟然是⋯⋯

    不少打工仔每日至少喝一杯咖啡提神,不過喝得太多對身體不好,甚至造成反效果,導致焦慮和神經緊張。除了喝咖啡,還有什麼簡單方法可以提神,在辦公室趕走「周公」?綜合了打工仔的意見,以下有幾個消除睡意,瞬間回復精神的小貼士,可以幫大家重拾工作效率!

  • 【讀者投稿】有錢Full Pay買樓無錢買茶包?男同事偷公司用品轉賣東窗事窗

    公司出現小偷斷正?日前收到讀者王小姐(化名)的投稿,她指公司出現貪小便宜的男同事,經常拿走茶水間食品、客戶禮物、公司滑鼠及影印機等等,放到網上平台轉售獲利。其他同事不恥他的行為,更指他「有錢Full Pay買樓,但連公司茶包都唔放過」,於是「放蛇」揭發其惡行。

  • 【職場熱話】DONKI進駐小西灣誓擺脫美食沙漠 打工仔:終於有啖好食!

    小西灣的打工仔有口福了!近日有傳人氣日本連鎖店驚安之殿堂(DON DON DONKI)將落戶藍灣廣場,成為香港第六間分店。以往小西灣一向被人標籤為「美食沙漠」,附近雖然有大型屋苑商場,不過食肆種類極少,來來去去都是連鎖快餐店及茶記,打工仔寧願帶飯或食麵包解決一餐,因此今次DONKI進駐對他們來說絕對是喜訊。

  • 【職場環境】5款盆栽助辦公室回復生氣 提升工作能力

    大家會否覺得辦公室的空氣總是很悶焗?因此很多人都喜歡在辦公室中放置空氣清新機或香薰,希望可以改善室內的空氣質素。然而,的確室內的空氣比室外的差,因為辦公室中的油漆、家具、服裝和建築材料中的化合物混合後,室內的空氣污染程度,可能比室外的空氣污染多12倍!

  • 【返工血淚史】日日返工放工都塞車 盤點3條最多交通意外的公路!

    眾所周知香港人多車多,每逢上班下班的繁忙時間,各大主要公路也十分繁忙。大塞車不在話下,連交通意外也老是常發生,引致延綿不絕的車龍,令打工仔的乘車時間以倍數上升。特別是有三條最多交通意外的公路,甚至隔一日就撞車,癱瘓整區交通。你今日塞咗車未呢?

  • 【求職招聘】唔想寫CV詞窮 呢啲生字你要識!

    網上很多履歷表的範本,隨手一search都有很多選擇,但要細執內容,才可以分出高下!HR每日收如此多CV,要他們在眾多求職者當中看得上自己,你就要懂得用詞去表現自己,並特顯個人特質!