comScoreTag

睇新同事「唔順超」?

睇新同事「唔順超」?
董德少
workplace picky eye
任何人在任何時候任何處境,都可能被「睇唔順超」;無論在職場打滾多久,都有機會輪迴做「新仔」;又太多新仔奇離行為,教人「好想反佢枱」。新人初到貴境,應如何融入新公司?

「新嚟個妹妹仔真係完全唔掂,叫佢打幾個字打足一日,全天候照鏡撥頭髮,對於零十分界極度執迷,強烈建議佢去Plastic Thing競逐女神殊榮。」實幹型的同事T眼火爆。

「有邊個新人你睇得順眼呢?」我明知故問。T在公司已經七年,差不多可以「升上神枱」恃老賣老,對於新同事總是看不順眼。不管是空降的外援上司,還是初出茅廬的畢業生,她都會挑剔一番。

然而,認識T的人都知道,她實事求事兼完美主義——對於完美主義的追求,亦近乎十零分界的程度,工作能力一流,不過對新相識的人卻有點社交障礙,高炒、低炒、側面看,還是三七面,都難合心意。不過認識久了,她待人是非常真誠的。

「佢撥少兩下頭髮,夠做兩個Reports啦,唉……」T嘆一口氣。「畀多少少時間,佢可能都同你一樣未適應呢。」我安慰。(佢地又何嘗唔係睇你唔順眼?我心想。)

任何人在任何時候任何處境,都可能被「睇唔順超」;無論在職場打滾多久,都有機會輪迴做「新仔」;又太多新仔奇離行為,教人「好想反佢枱」。新人初到貴境,應如何融入新公司?

新人報到備忘︰
1/ 入屋叫人︰禮多人不怪,切忌得罪人多稱呼人少;
2/ 保持低調謙虛︰態度要誠懇,別一副「你班old pat pat少跟我來這一套」的嘴臉面對同事;
3/ 不宜標奇立異(行為及衣著)︰Plastic女神、可愛教主、十二少、小學雞等,皆屬辦公室不受歡迎人物;
4/ 切忌每事問︰「唔識就問」無可厚非,但問人之前最好自己嘗試找出解決方法,分秒必爭追問低層次問題,的確很乞人憎;
5/ 別心急「抄牌」︰初相識,不要急不及待查問人家電話、Whatsapp及facebook等,以免給人立心不良之感;
6/ 雞髀打人牙骹軟︰不妨與同事分享特色零食,唯態度要保持自然大方;由朝share到晚,或富貴大放送都太超過。

延伸閱讀︰
- 如果唔使成日開會……

- 骨氣定量地?

- 港女同事是這樣煉成的

- 多得共同敵人

- 佢地扮夠未?

上載日期︰2013年7月29日


Look out for further updates on our Facebook fan page!

Related Articles

More