【睬你hihi】10句低質素msg

賈心潔

今時今日，要「識」某個人是容易，要「認識」一個人卻很難。 hihi。我心生好奇，有幾多人因為見到「hihi」4粒英文字母，而強迫症發作般click入來…… 如果揀女朋友要揀一個肯捱M記的話，哪麼選男友就要選個不用等他覆msg的。一旦等他回覆，就會出事。其實男女皆適用。 「你強迫症呀？成晚望住部電話。」朋友K食飯時心不在焉，雖然見怪不怪，但我還是忍不住問。 K支吾以對。如果我還洞悉不出箇中玄機，也枉做了這麼多年朋友。「點呀？又喺邊度識咗個咩人？」 K答了一堆「嘢」——實在無以名之，只能以一個「嘢」字來recap。我反了反眼。「做咩啫？我地幾好傾架。」他說出來亦自覺心虛。 K︰Hihi 對方︰Hi K︰喂喂 對方︰^^ K︰做緊咩？ 對方︰嘢 K︰做咩唔覆人？ 對方︰^^ K︰睇咗都唔覆？ 對方︰？ 我望了望K與某人的所謂「對話」，立即要求收回那個「嘢」字，因為堅係連「嘢」都不如。有話直說，要回應的，自然會回應。你hihi我，難道我就要即時睬你hihi？ 「咩都無發生，你著緊啲咩？」但願我的冷言冷語，足以讓K冷靜下來。「見到hihi就火滾。」我目露凶光，K連忙搶回手提電話，生怕我將它就地正法。 「我地幾好傾架。」K還死雞撐飯蓋。我反而還真心祝福他真的如此這般認為。 「你幾時試過等我覆msg？」我問。 「明知你唔會唔覆，等咩呀？」K的氣勢回來了。 今時今日，要「識」某個人是容易，要「認識」一個人卻很難。 延伸閱讀︰ - 送禮物的人 - 不要錯過彼此 - 【膠影】散水相 - 【心靈】遺憾也好，抵死也罷 - 不轉雙藍剔的3條屎蹺 上載日期︰2014年12月19日