【破舊立新】拆解7大過氣健康「常識」

人愈來愈長命，健康的方法自然更前衛。

新春是破舊立新的好時節——戒掉壞習慣、放棄壞想法、逃離壞環境、離開壞的人；然後發現，很多「原本以為」的常識，其實「原來係咁」；而從此，我們的世界不再一樣。

原本以為1︰唔急都去咗廁所先
原來係咁︰成日去廁所都唔健康。當膀胱存一定尿液時，會傳送神經訊息至大腦提醒排尿；若經常在訊息未傳遞時就上廁所，膀胱會變得愈來愈敏感。日子有功，唔尿頻都變尿頻。

原本以為2︰緊身褲有助塑形，令條腿變slim
原來係咁︰穿緊身褲會令肚腩、肥臀與大腿肌肉鬆弛！研究指，緊身褲紮緊四頭肌和臀部，反而增加肌肉惰性，久而久之，失去自我收緊能力。

原本以為3︰著高踭鞋危害健康
原來係咁︰有泌尿科醫生指，穿2吋高踭鞋能強化骨盆底肌肉，有助女性預防年老時出現滲尿情況。

原本以為4︰食藥快啲好
原來係咁︰有學者表示，感冒藥令人傳播更多病菌，較不吃藥患者更難康復。有關論點指，消炎藥中的布洛芬（ibuprofen）雖有效抑制發炎，但長期服用會出現抗藥性，亦有機會引致濫藥性頭痛。

原本以為5︰壓力無好
原來係咁︰壓力是有助抗病。美國及加拿大分別有研究證實，突如其來的輕微壓力（如趕死線），有助免疫系統對抗病菌，並促進腦細胞增生。

原本以為6︰沖凍水涼唔好
原來係咁︰凍水涼能提神醒腦、消除肌肉痠痛及增加體內安多酚。建議先沖溫水浴，然後逐漸將水溫調低至攝氏20度，淋浴5分鐘。

原本以為7︰天氣一凍就易肥
原來係咁︰在低溫環境中，人體加速燃燒卡路里以保持體溫，同時促進新陳代謝。日本北海道大學發現，每天處於攝氏17度環境最少2小時，6星期能減掉5.2%脂肪。

延伸閱讀︰
- 【肥過肥仔】6大易爆煲賀年食品

- 【情人節】4大密會熱選（拍拖、單身皆宜）

- 【齊心抗流感】切忌太潔癖

- 【眠一眠】辦公室小睡6要訣

- 【雀仔肚】5招速練

上載日期︰2015年2月24日