comScoreTag
FancyBox
FancyBox

Workplace Gossip

箭靶的修養︰「無事道」


賈心潔



to be well-equipped
你走去介懷,同親手畀把刀人地去插你有咩分別?

「呢個世界好恐怖,唔知點解啲人可以呢頭同你攬頭攬頸,背後就狂插你。」朋友W一副公主驚驚的樣子。當下說不出半句話來,因為我都好驚——驚的並不是「呢個世界好恐怖」,而是「你而家先知」。

「係咁架喎。」我不是認同「呢頭同你攬頭攬頸,背後就狂插你」這個無恥行為,但這種事,平常到沒有分享的價值,就算有人分享亦不值得給反應。

「唉……」W近乎醒覺︰「係就係……但點解又係發生喺我身上?次次都係我。」

「小姐,唔係你嗰次你唔拎嚟講?啲人插我,你又唔驚嘅?」真的,我不是從來沒被放過箭,實情是一直是箭靶。不過I don't care。記住的話就抵死。這一句,我不好意思再刺激受驚的W,忍著沒有說出口。

W叻叻駁嘴︰「咩呀,啲人又唔係話你xxx、yyy!」xxx和yyy所指的是甚麼,不提也罷。反正背後的是是非非,都不外乎那幾項。

「um……咁佢地話我咩呢?」我明知故問。

「佢地話你mean、口賤毒舌、自以為是,重話……」W欲言又止。

「咩呢?」這個咩呢,我純粹按劇情需要,讓公主繼續說下去,對於內容及詳情,完全沒有想知的意思。

「佢地喺你背後話你喺背後講我,話我公主病又低B……」Sorry,W還沒說完我就爆笑了。我知道這樣很沒修養,但真的,忍不住。「哈哈哈哈,公主呀公主,我話你公主病同低B都唔係喺你背後講架啦!哈哈哈!」

W也笑了︰「嘻嘻嘻,咪係囉。」

「咪係囉,又唔見你嬲我,又唔見你嫌我mean、口賤毒舌、自以為是而疏遠我?所以你理得人地講咩啫。你走去介懷,同親手畀把刀人地去插你有咩分別?人地有人地練劍拮空氣,你有你練『武士道』。」

「武咩士道?」W問。

「係『無事道』,唔係『武士道』。重點在於︰有咩話題你想畀人知又唔想講10萬次,就若無其事咁同佢地講,包保唔會令你失望。」

延伸閱讀︰
- 生存之道,你懂的!

- 年度翻炒︰回顧與展望

- 你點知人地唔鍾意你?

- 擔心連阿媽也養不起

- 不明白很正常我們不是同類

上載日期︰2014年1月17日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email