comScoreTag
FancyBox
FancyBox

Workplace Gossip

給80後、90後的公道話


董德少



80, 90s
與其說後生仔好高騖遠,倒不如說老闆冥頑不靈,還以為「畀得起錢點會無人做」,而所謂的「畀得起」,卻是「價低者得」。

「我咁醒,叫我跟埋呢啲濕碎嘢,好大材小用囉。」根據小弟行走職場一段時日、累積看人眉頭眼額的經驗,80尾同事R不說,我從他眼裡就清晰接收到這樣的信息。

我沒打算說甚麼「細路仔唔識世界」之類的人生大道理(或風涼話),事實上,對於R的自信與鬥心,反而有點安慰。相比起唯唯諾諾得過且過,本人對於三尖八角的人比較有好感。

然而,大前提是︰「你唔好當上面嗰啲係死架囉。」

早前與R的直屬上司K,公事公辦式提到R的表現——對,公司中高層的談話內容,離不開下屬表現;正如辦公室小薯總以批鬥老闆為主要話題及笑話來源。如果以「都係搵啲嘢嚟講」、「點都要交個人出嚟,否則俾人講嗰個就係自己」的原則看來,這樣講與被講亦算出師有命,講人的時候亦俾人講下,不失為心理上的一種平衡。

言歸正傳,上司K坦言︰「佢叻仔係叻仔,但係真係令人好頭痛……」下刪9萬字,不在此贅述,反正到搜尋引擎search「80後、90後」就得出結果。

「你係叻仔,K都係咁講,我地對你好有信心,你唔只係咁嘅。」我找機會鼓勵R。調查研究一直指,對現今後生仔來說,工作滿足感分分鐘比金錢重要。與其說後生仔好高騖遠,倒不如說老闆冥頑不靈,還以為「畀得起錢點會無人做」,而所謂的「畀得起」,卻是「價低者得」。錢不是我出的,所以我的能力範圍是施「軟功」。

「其實我都覺得我可以pick up多啲,但係而家成日都畀啲雞毛蒜皮嘢我做,影印呀、碎紙呀、copy and paste呀之類……」R停下來,見我沒說話,繼續︰「佢做嗰啲嘢,我嗰時主修讀呢啲。」

我壓抑住偷笑的意圖,有咁正經得咁正經說︰「係喎,你主修工管。說來慚愧,小弟讀工程出身,想請教一下,點樣可以妥善handle公司裡面一班可造之材?」

「點先叫做『可造之材』?」R稚氣問。

「見微知著,影印影得好囉——即係叫佢一次過影過千份都唔甩半頁;碎紙碎得好囉——即係唔會碎碎下連正本都碎埋;copy and paste得有高手囉——即係唔會抄到上文不接下理咁。」我加多句︰「慢慢再加啲加啲。唔通一嚟就質成個大Project你全權負責咩,我唔驚,都驚你驚啦。」

後來,K向我跟進,問我怎樣搞定恃才傲物的R。「就係唔好一心諗住要邊個『搞定』邊個,大家都係做嘢啫。」

延伸閱讀︰
- 爭寵?爭就蠢

- 有一種現實

- 收人皮的最高境界

- 「憎」情剖白

-同事間有種親密,叫「距離」

上載日期︰2014年6月16日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email