[網民來稿] 當職場新人遇上射波同事可以點?

[網民來稿] 當職場新人遇上射波同事可以點?
我知道公司每一個同事都有自己嘅role,但作為一個新人,乜都唔識,但第一份工就遇人不淑。 
話說第一日返工齋坐咗成日,心諗點解呢間公司請人返嚟但又可以無嘢做,其他同事行過眼望望又唔知我係邊個,唯有等完又等。

之後幾日呀姐開始assign job畀我,心諗終於有嘢做,同埋有機會學下嘢。話說呀姐安排咗同事A同我夾住做一個project,咁我負責做資料搜集,佢就負責寫proposal,本身大家分工都好清晰。同事A亦好用心教我,話畀我知去邊度可以搵到料,仲有教埋我proposal點樣寫,例如格式、用字,又或者點樣同老細present。嗰一刻我覺得office無出面想像中咁複雜,咁多辦公室政治。

返工第三日,本身我已經搵好晒資料,畀咗同事A,因為份proposal其實聽日就要交,所以就問佢有無其他嘢要幫手,但佢話無,咁我咪放工走。點知交proposal個日佢人影都唔見,呀姐同我講先知原來同事A sick leave,本身諗偽無乜野等佢返再搞,點知佢去到第二第三日都繼續sick leave,總之每次要交功課畀呀姐佢就一定leave。

呀姐就叫我砌個proposal同跟埋個project,話知道同事A有教我點做。個時我心諗唔係呀,我只係一個Fresh grad,返工無耐就要我handle咁大舊嘢。過咗無耐呀姐叫咗我入房,佢叫我講同事A已經quit咗,話會train我,又幫我諗埋係公司可以點發展,重點係好多嘢都要我一個人跟,但又好似真係有好多嘢學,我走唔走好?
Look out for further updates on our Facebook fan page!

Related Articles

More