【網民職場Talk】一場同事咁都要偷?網民:最好笑被偷mouse粒電

打工仔時常會遇上離奇事:有怪癖的同事、工作狂上司、有強迫症的老闆、瘋狂搞小圈子的職場小人…說到最「神憎鬼厭」的同事,可算是不時鬼鬼祟祟偷東西的人。有網民於討論區發帖,與網民分享各種於辦公室被偷東西的經歷,最令人哭笑不得的,是連滑鼠的電池都要偷…

延伸閱讀:【職場奇聞】極賴皮!賤格同事:覺得唔改無問題喎!

滑鼠電池極速耗盡 開蓋發現被偷龍轉鳳

事主分享朋友的一次經歷,表示朋友的同事偷了他的滑鼠電池,然後「換返粒無電嘅落去」。本身根本不得而知,但因為滑鼠電池突然耗盡,「開頭都以為嚿電無電,一開個蓋,變咗粒劣質電池」,眼見滑鼠內的電池連牌子都不同了,才發現被偷龍轉鳳。

貪心同事偷取疫情消毒用品
近日人人都需要疫情消毒用品,有網民就遇上貪心又自私的小偷同事:「成盒酒精紙巾畀人拎咗去」、「(有人)偷公司口罩,成箱少咗幾盒」。而有網民竟然大膽分享自己亦曾偷東西:「偷咗隔離位男同事半盒口罩同半盒朱古力」,令其他網民紛紛對此留言留下「負評」。

日常用品及食品為被偷「大熱」
不少網民就表示,平時放在公司、方便隨時使用或食用的物品,難免被貪心的同事取去,例如充電線、雪糕、零食等。有人更試過放即食乳酪於雪櫃,結果被據為己有,「仲要貼張memo紙上去,話係佢嘅」。有人更分享心痛經歷:「試過有人送一筒好靚嘅糖,一直唔敢食,結果畀人偷咗」。

延伸閱讀:【職場男女】女同事歷任男友遍佈全公司 同事表示難以置信

最離奇小偷 將植物、普通文具據為己有

除了日常用品和食品,更有人試過被偷取植物:「仙人掌,仲要都唔細嗰隻」。有人就表示將普通文具據為己有的同事最麻煩:「試過有同事問我借鉸剪,用完直接放咗喺佢自己枱頭嘅筆筒。之後我自己拎返,然後第日佢再問我借鉸剪,又放咗喺佢自己枱頭嘅筆筒,然後我又自己拎返」。這種似曾相識的經歷,引起其他網民的共鳴:「再借多兩次,佢會問返你,做咩拎佢鉸剪,用完唔畀返佢」。

出招對抗小偷
要對付貪心小偷,需要有特別的做法:「以後用電腦火牛要記低埋product code」。有人就認為,有人不問自取,已成常態,只好避免放在公司:「偷嘢食、嘢飲好閒,呢啲嘢絕不能過夜」。

一時貪心可能觸犯盜竊罪
同事之間將小物品、價值低廉的文具等取走,雖然一般人都不會追究,但如果追究起上來,隨時可以定罪。《盜竊罪條例》列明:「如任何人不誠實地挪佔屬於另一人的財產,意圖永久地剝奪該另一人的財產,即屬犯盜竊罪,而竊賊 (thief)及偷竊 (steal)亦須據此解釋」。而即使只是貪心、一時貪方便而取走他人的物品,亦有機會被定罪:「作出挪佔的目的不論是為了獲益,或是為了該竊賊本身的利益,均屬無關重要」。

Look out for further updates on our Facebook fan page!

Looking for jobs?