【網民職場Talk】一遞信即被侮辱 打工仔被斥:你無用架喇!返出去!

試過遞辭職信的打工仔都知道,遞信是一件頗令人緊張的事。明明不是甚麼錯事,但總會思前想後:現在是最佳時機嗎?上司會不會沒空?如果加薪挽留,又應該接受嗎?除了這些問題,有時還會在腦裡預演「火爆」老闆的過激反應......有網民分享近日辭職經歷,其老闆一聽到他要請辭,就立即被辱罵:「你無用架喇!返出去!」。

延伸閲讀:【網民職場Talk】老闆常嘲諷窮員工 講到「無女人肯嫁你」要點應對?

提出交接安排慘被辱罵

事主近日向老闆遞信,豈料得到極無禮對待:
老闆:「你走我歡迎,但啲Job點?」
事主:「仲有成個月,一定請到人」
老闆:「我會畀出面位同事跟,佢唔會走」
事主:「咁我同佢交接...」
老闆:「你無用架喇!出返去!」

網民:咁咪仲好
大量網民紛紛為事主抱不平,指老闆未免太Mean。有人就認為,其實不必交接,反而更好,因為可以減少工作量。正所謂「不在其位,不謀其事」,不少人認為,即將離職的事主,根本不用對工作太上心:「啲Job點?關我事?」、「(老闆)你度掂佢囉」、「從一遞信嗰刻開始,好多嘢已經唔再關事。做人要有責任感?如果係公司好,唔係不歡而散,咁就話啫,否則諗都唔駛諗」。

另類應對方法
不少人返工但求「揾餐晏仔」,既然來到即將離開的時刻,根本不用在意老闆的說話:「又如何,講乜都傷害唔到我」。有人就提出另類應對方法:「同出面同事講,『喂我辭咗職喇,老細話將我啲Job畀埋你跟喇,佢睇死你一定唔會走喎,咁你加油!』」、「畀我就真係同個同事講,老細睇死你唔走,畀晒啲嘢你做,你自求多福啦」。有人更提出各類惡意「玩嘢」做法:「記住得閒將啲文件東一張、西一張。你記住你無用架嗎,文件唔使咁整齊」、「佢意思係叫你同啲客講取消晒佢,唔好麻煩到其他同事」。

延伸閲讀:【職場熱話】員工提辭職獲老闆回5千元利是 含意是.....

接下來可以按章工作

打工仔離開公司,固然希望「好嚟好去」。但既然得不到尊重,則在最後一個月實行「按章工作」也不為過:「直接講叫人接手,有唔明先問,夠鐘走人」、「呢啲情況連Handover都唔使,日日準時返工放工,唔好畀佢入就攪掂」、「既然老細覺得你成事不足,咁你就要敗事有餘。畀佢睇吓,好多嘢,幾個月後失浮上來...」。

Look out for further updates on our Facebook fan page!