【網民職場Talk】因乜解究5個同事同日補錢即走？之後仲搞到咁...

延伸閱讀：【自我增值】老細講明想炒人 應等炒定主動裸辭？3招幫你做決定

無助又無奈　收工後返回座位痛哭
事主先「拋磚引玉」，指由於需要處理的日常事務太複雜，又無同事幫助，感到相當痛苦：「剛剛收工，頭先坐咗喺度喊…我成日同自己講：『唔緊要，捱多陣，一定無問題。宜家市道唔好，就算要走，都係揾到新工先走』」。因工作太辛苦，以致無胃口吃飯，更令事主思考，到底在甚麼情況下，才應該裸辭。

被控制狂上司鬧到喊
不少網民認為，若工作對情緒造成困擾，便應立即裸辭、「唔夾即走」、「知自己情緒頂唔順就會遞信」等。亦有人分享控制狂上司的種種惡行：「個控制狂上級成日都唔妥我做嘅嘢，一定要我跟佢個方向。我唔識嗰陣，佢一路教一路鬧，講嘢難聽到死，一味只係睇結果，完全唔認同人地有嘗試過努力去做。試過畀佢鬧到喊…有次OT到夜晚11點幾，轉數慢小小都好正常啦！諗慢少少，未諗到點做，都俾佢鬧」。

延伸閱讀：【網民職場Talk】打工仔控訴上司如人肉監視器 兩招應付控制狂上司

上司太刻薄　5下屬補錢即日走
有網民更分享令人驚訝的「集體裸辭」情況：「打過份工，上司唔聽人講又刻薄，又成日認屎認屁……要啲後生 / 新人同事打完卡再OT，有時自己計過，明明今個月夠數有突，全部同事都多2千蚊，條友又話呢啲唔計、嗰啲唔計，扣哂」。受到上司欺壓，忍無可忍之時，向老闆投訴不果，故5名下屬集體裸辭，補錢即日走，留下上司及其助理，還有一個兩年後便會退休的同事。老闆詢問發生甚麼事，同事霸氣回應：「我哋不嬲上下一條心幫公司揾錢，已經反映過好多次有問題，唔需要留，已經傾好晒」。