【網民職場Talk】打工仔嚴選最差散水餅 跌咗落地都照派?!

散水餅是打工仔於臨別秋波時對同事的一點小心意,所選的餅店、款式都會在其他人心中留下「最後印象」。選擇得體的糕點,可以提升同事對你的觀感,甚至在你離職後仍會談起你。一年到晚,少則有幾個同事離職,多則可能連其他部門有幾十人離職,兩三星期吃一次散水餅亦不足為奇。每當吃到另類散水餅,總會有種莫名其妙的體會。有網民發起討論,與打工仔探討「最差散水餅」。

【自我增值】總是不受同事歡迎?可能與3個習慣有關

實習生散水餅遭打翻仍全部派出
有網民分享當年作為實習生時派散水餅的奇遇:「記得嗰陣時Intern Last Day派散水餅,公司有個同事行過整瀉咗我盒餅,跟住我照派嗰啲爛晒嘅西餅……個同事用筷子將啲餅整番靚少少,跟住我面都紅埋咁樣去派囉,最好笑係我每派一個人,佢就喺我後面同佢哋講話係佢整跌嘅」。不難想像同事們收到西餅後,除了尷尬,還是尷尬。

輕食系列
有人分享曾經遇到同事大派零食作為散水餅:「一人一粒金莎」、「迷你熊仔糖一人一包」、「我派過一大包餅拆開,獨立包裝每袋一塊仔」、「試過派M&M就算,叫佢地伸隻手出嚟,倒幾粒畀佢地」、「見過一人一粒魚仔餅」。當人人都期望散水餅是美味精緻的西餅,派零食就很容易被認為「很孤寒」:「一係好厚面皮,一係成班好Friend先做得出」。

【有心唔怕辭】辭職信唔好求其寫!4 大細節助你「日後好相見」

無餅勝有餅
不少網民一直並無派散水餅的習慣,覺得「唔知點解要派,(所以)無派過」,亦有人認為離職派餅的習俗相當「無謂」,亦絕非理所當然。「其實無人會記得你派過啲乜」,有人更直言散水餅價格不便宜,如果派給全公司各部門同事,則需幾百元,等於「白做一日」。更有畢業後一直於外地工作的打工仔表示,從來不知道有派散水餅的習俗:「咩都冇派到,直到有同事問,我先Google下咩嚟」、「熟又唔係熟,想像到派個時係幾尷尬,好似難民分食物咁」。不少人回應指寧願跟相熟同事開Party、食餐飯。


Look out for further updates on our Facebook fan page!