【網民職場Talk】新工有伏！簽約日期一改再改 最後仲搞成咁...

延伸閱讀：【轉工跳槽】寧願減薪轉工不留職 全因一種差別待遇......

從事酒店行業 嘆前景未明毅然轉工
事主原本從事酒店行業已兩年，但由於最近受疫情影響，見不到前景，故毅然決定轉工，邊上班邊找新工作。經一輪見工面試，事主得到的新Offer人工比舊公司多2,000元，並約好3月20日上班。豈料新僱主表示由於受新冠肺炎疫情影響，「公司無人返」，就延遲簽約日期。直到約定的日期，更一改再改，「延期去到（4月）18號先上嚟簽約」。

事主對此事感到不安，更認為僱主「有心拖到最後，甚至臨返工先起我飛腳，話唔請都得…」。面對如此情況，事主苦無對策，逐向網民詢問：「到底係咪應該簽左新約先好辭職？」。

僱主改變主意時有發生
網民紛紛安慰事主：「即係未起（飛腳）啦，改期啫」、「起碼佢仲肯覆你」。相，有人就認為，僱主改變主意時有發生：「有朋友試過簽埋約，臨返工前一日打嚟話，都係唔請」、「簽約都無用，因為試用期頭一星期可以即時炒人，唔使賠錢。要玩嘢嘅話，你簽完名個刻，即時叫你走都得」。

延伸閱讀：【勞工法例】5個疫情下常見問題 隔離14日可享有薪SL？拒絕放無薪假可以點？

口頭方式訂立的僱傭合約
若有如事主般「黑仔」，簽約日期一改再改，則實屬倒楣，不過打工仔可留意，僱主是否曾經以口頭方式訂立僱傭合約。《僱傭條例》中列明，僱傭合約可以書面或口頭方式訂立，無論是哪一種方式，僱員的權益均受到《僱傭條例》的保障。