【網民職場Talk】曾被上司斥「多餘」 打工仔數年內逆轉升職4級

打工仔被斥責、被訓示,也許已是每日工作的「基本動作」。長久以來,不少工種的員工會被顧客、工作伙伴、上司、老闆等責罵,更是「份糧包埋」的流程。有網民於討論區發帖文,討論上司對自己說過最難聽的說話,有人回應指初入職時曾被上司斥「多餘」,但最後數年內卻晉升4級,比當初指責他的上司更高級,令人嘖嘖稱奇。


初級文員被斥「多餘」 最後卻升職4級
網民分享初入行時作為初級文員的難忘經歷:「某日Section Head叫齊人開會,第一件事就對我話,早前請你返嚟,係頂替呀邊個,而家佢返咗嚟,你個位就多餘啦!你留喺度都冇乜用」。當時,事主心想,難度是要被解僱的意思?結果機緣巧合之下,因其他部門缺人,事主隨即獲HR安排調到另一部門:「幾日後大老闆秘書無返工,叫我頂替工作,畀我攪掂晒。如是者就兼任大老闆的男秘書。嗰幾年人工加到原底4倍,職級升了4級,仲要每周一日study Leave」。

腸胃差經常上廁所 被上司問是否「腎虧」
不少網民回覆帖文,大方分享自己被罵的內容。有人慘遭上司揶揄其健康狀況:「之前我因為腸胃唔好,醫生建議我多啲飲水,咁多飲水就去多次廁所,嗰朝早去左3次廁所,第3次返到嚟嗰陣,佢勁大聲咁話:你腎虧呀?」。除了身體狀況,不少打工仔曾經被貶低工作能力:「多你一個唔多,少你一個唔少」、「無出色」、「你咁得閒,都唔知咁高人工請你做乜」、「你有冇帶個腦開工」。


有心學習 慘被上司「潑冷水」
公司不止是一個工作的地方,同時是各個不同崗位的同事學習的地方。好的公司會為員工提供適切的培訓,而有些上司卻在下屬有心學習時,大潑冷水:「我出糧畀錢你嚟做嘢,唔係嚟學嘢,你依家交學費畀我呀?問我問題?你自己諗掂佢啦」、「同事想考牌,問佢一啲專業問題,佢話,呢到唔係開善堂架」。

Tags:
Look out for further updates on our Facebook fan page!