【網民職場Talk】男護有着數？邊啲行業做「性別少數」會有特別待遇？

延伸閲讀：【網民職場Talk】女朋友日日OT原來全因女上司......

男護士比女護士能力更高？
有網民於討論區發帖文，指不同行業中的打工仔，或多或少都有「性別少數」得特別待遇的情況。其中不少網民就集中討論男護士的工作：「少男人做護士，操返大隻啲，好多粗重嘢可以做，例如幫手撳住個Patient（病人）。但咁樣咪係優勢囉，你做到人地做唔到嘅嘢」。有人回應表示認為這種反而是男護士的「劣勢」：「咁叫優勢？男嘅做操重功夫，女嘅輕鬆功夫」。

工程女有着數？
不論男女，在各行各業總有相對優勢和不利之處，有網民就分享一個工程女較吃香的「都市傳說」：「Engine 女入政府聽講相對易啲，因為政府請人，要男女請差唔多數量。女工程少人，相對入政府易過男仔」。是否屬實，有待考究，但有人就指正：「未聽過要平衡男女數量喎，之前做某細部門人事部，請人一律只睇分數」。

延伸閲讀：【網民職場Talk】表白被拒 男同事竟然咁做......

女性較難升到最高層？
有人就指出，不論性別，也有「捱得」和「唔捱得」的打工仔：「見有女仔都好捱得苦，一樣日曬雨淋。反而我覺得女人比較難先升到最高層，唔係真係咁着數」。無論是男是女，在業內吃香與否，當工作表現未如理想時，上司和同事還是會有目共睹。最基本和最重要的標準，始終還是工作能力。