【網民職場Talk】疫情下唔知有無welcome lunch點做好？

延伸閱讀：【職場人際】新入職老奉捱鬧？踩到呢條底線就絕不能啞忍

擔心實屬多餘
有即將第一日返新工的網民向《奴工處》投稿，表示不知應否帶飯：「揾到新工下星期返，咁而家限唔可以4人以上食飯，睇怕都無Welcome Lunch，加上我自己都怕病毒，咁嘅情況下，大家第一日會唔會袋定個包食lunch算？」。不少網民回應表他的擔心實屬多餘：「有新工返就唔好諗無謂嘢」、「可能阿頭單獨同你食呢」。有人就建議各種食lunch安排：「自己一個落街食咪得囉！再唔係帶飯囉！買外賣囉！」、「無咪自己落街買外賣，有幾閒」。

好好享受一個人的午飯時間
不少網民就認為，工作久了，便會懂得享受獨自用餐的快樂：「其實自己一個更開心」，又可自由選擇吃甚麼，就算「食住三文治先」也一樣開心。有打工仔更表明想自己一人吃飯：「返新工個同事成日逼我lunch，最後我話抗疫，同佢打斜對面食。有次幾個人食，我話人多，自己去隔離枱。最後我話大家唔使再叫我一齊，我會一個人食直至疫情完結」。

延伸閱讀：【新冠肺炎】慘被減薪樣樣要慳住 打工仔：生活好艱難

做定兩手準備
有網民就為事主提供建議，認為他應做好兩手準備：「帶定自己飯盒，到時睇同事上司點囉」、「袋定杯麵，進可攻、退可守」。有人就表示吃飯安排其實與疫情無關，應觀察同事午飯安排，再作決定：「第一日食外賣，或者睇吓同事會唔會一齊叫或一齊買。如果人人都帶飯，第二日就開始帶飯」。