2020-03-02
相信不少打工仔都有在餐廳傾公事的經驗，若在環境舒適、人流不算多的餐廳，則沒有太大問題。但如果在嘈雜又人多的快餐店商討重要事項，則難免令人抓狂。有打工仔向「奴工處」投稿，大呻上司與他於快餐店討論試用期工作表現事宜，令他無奈至極：「你識得乜嘢叫尊重別人嗎？」
剛通過試用期的事主，日前與上司在快餐店討論試用期工作表現事宜：「隔離啲公公婆婆師奶阿叔，好似睇馬騮戲咁，碌大對眼伸長隻耳」，讓事主感到不安。是次面談的內容，不單是上司對事主的工作期望，更包括事主在公司的5年計劃、10年發展等。最令人感到無奈的是，明明公司有好幾間會議室，但上司卻決意要與事主到公眾地方去開會，實在莫名其妙。
帖文引來不少網民留言，表示事主的上司做法古怪：「唔喺Office傾嘢好多時係會有多啲Idea同易傾啲，但去快餐店就真係未試過⋯⋯」、「出去傾無問題，但應該去間好少少的餐廳」。有人猜測上司這樣做的原因：「特登整你架啦，未過Probation就有咩房度傾，一過左就快餐店傾，你有咩唔Happy都要一個月通知」，有人則提出樂觀假設：「唔係喎，佢講緊你喺公司嘅5年計畫、10年大計喎…即係如果佢唔走，依10年你應該都唔會畀人炒啦，係咪樂觀呀？」。
有網民更分享過去數工遇過的奇怪上司，若下屬遞信，會對他說：「你辭職咩？無辦法啦」；下屬遇到技術問題時：「公司開通唔到權限咩~整緊架啦，等下啦…」；有人向他請教時：「安排工作流程？你自己衡量做咩先啦…」；被問及防疫措施時：「無啊，口罩係自備架，公司口罩係比外出嘅同事用」。
Look out for further updates on our Facebook fan page!
【職場文化】辦公室的4大黑暗面 小心被陰招陷害炒魷
【絕世好老闆】6個特徵 分出你個係好老細定壞老細！
【職場熱話】Sick Leave用咩藉口？5個「老細最易接受」的病假理由
【溝通技巧】10句職場反話你識唔識聽？ 「之後再討論」都有骨？