【網民職場Talk】老闆迷信風水越做越霉？最後仲搞成咁...

延伸閱讀：【職場奇聞】老闆鬧爆全世界 員工：日日返工心情沈重

水缸放石春、天花板擺符咒
網民的各種分享，實在令人嘖嘖聲，同時對迷信風水的老闆表示佩服。有人分享老闆在公司門口放置水缸，但水缸「唔係養魚，入面得6粒石春」。有人就表示聽過有公司的天花板「擺符或鬼仔」。除此之外，關於擺放風水陣，還有其他嚴格規定，如「Reception長期擺9枝紅花」、「唔畀用轉動嘅嘢，例如風扇」。

奇特的執着
篤信風水的人總有奇特的執着，有網民就分享公司種種令人感覺奇怪的風水陣：「嗰時做地盤寫字樓，明明下個月要搬地方，老細都要揾風水佬嚟睇，用幾千蚊買咗個隻蟾蜍放喺雪櫃頂，要喺經理位後面掛紅色/橙色衫。又要某啲部門的房門油藍色，最後好似揾咗啲絕緣膠布黐住隻門當油咗。但搬咗地方之後都無做呢啲嘢啦，擺得嗰一個月，都唔知要嚟做咩」。除了風水陣，有僱主更因迷信而「唔請某生肖嘅人」。

延伸閱讀：【網民職場Talk】難以置信！跳槽後連累老闆被舊公司老闆鬧爆

迷信風水最後難逃一劫
對於風水命理，有人相當迷信，也有人堅持不相信。無論如何，某些老闆即使篤信風水，最後也難逃一劫：「兩個大門側地下都有個雞皮紙袋，放咗幾年，已封晒塵，永遠無人知入面放咗咩嘢，亦無人會掂。但老闆已退休走咗，嗰兩袋嘢唔知幾時有人收拾。Anyway，幾年前個office 已cut咗一半畀人，因為無生意」。

無生意仍尚且能捱下去，但有公司則最後要關門大吉：「想當年，舊公司某高層知我喺外面有做風水，拉我埋一邊講，話公司個設計揾人睇過風水，問我如何。然後我笑而不語。（心諗你個風水師真係整鬼你）三年後，間嘢執咗！」。

若感到被歧視 可向平機會投訴
若打工仔感到被僱主歧視，如文中所提及，因屬某生肖或其他原因而受不公平對待，可向平等機會委員會投訴。