【網民職場Talk】被解僱應否派散水餅免尷尬？網民提另類做法

散水餅的意義在於送給同事的一番心意，一般在遞信後就會開始計劃散水餅買多少件、選購哪間餅店、哪些款式等。近年更興起為同事度身訂造散水餅，寫上各人名字，甚至畫上肖像等，需預早一星期以上訂購。若跟同事一直同作愉快，則會樂意花點心思；但如果被解僱，還應該派散水餅嗎？有打工仔近日被辭退，有一個月通知期，未知應否依慣例派散水餅，遂於討論區詢問意見。

【網民職場Talk】打工仔嚴選最差散水餅 跌咗落地都照派？！

與同事不熟絡 暫時未知道事主被炒
上班已一段日子的事主，平時工作較低調，而且時常獨立工作，跟同事不熟絡，故暫時未有人知道他被解僱。本來想「輕輕的來，輕輕的走」的事主，考慮到若不派散水餅，可能會被識穿是因為被解僱而離職，故「心有戚戚焉」，不知是否應該為了面子而「循例」派散水餅。他更直指：「唔派就係人都知你被人炒啦。」

為了「好來好去」應該照派
網民意見不一，支持及反對派餅的意見幾乎各佔一半。支持的網民大多認為應該好來好去：「睇做咗幾耐，同埋因乜事炒啦，做得耐嘅，買盒朱古力派下都要嘅，好嚟好去嘛」。有人則認為應視乎情況：「如果老闆請食散水飯，我會請食散水餅。如果咩都無，就各行各路」、「你做咗幾耐？過試用期未？未過就唔使請，過咗就隨心」、「真係要派，買條卷蛋畀同事自己分咪得囉，人少就切厚啲，人多就切薄啲」。

【職場熱話】中年突然被解僱 網民：失業不是問題，只要……

另類做法──派瀉藥給老細
相反，有人就認為既然老闆狠下心腸解僱，事主亦不應故作大方：「走啦！仲派」、「被炒已經難睇，仲要坐多一個月，仲派？」有人更直言：「唔派，出咗門口就已經係陌路人」。有瀟灑的網民並不相信「好來好去」的一套：「唔派，不留下一點雲彩」、「邊個話一定要派架，個人選擇啫」。有人更為事主被炒感到不值，認為他不應留戀這間公司，笑言：「辭職就派散水餅，被炒當然派瀉藥比老細啦」。有較温和的網民則認為，雖遭解僱，但仍應與一向關係良好的同事稍為聯誼，作最後道別：「被炒嘅話，請幾個關係好嘅同事食飯好過」、「我最多只係會同幾個傾得埋嘅同事食餐飯」。