2020-02-25
近幾個月以來，每當表示想辭職，甚至裸辭，都會得到來自親朋好友的勸告：「而家市道咁差，真係要辭？」、「你諗清楚先好啊，好難揾工㗎」。然而，不適合就是不適合，不少打工仔認為長痛不如短痛，及早離開，可以盡早另覓一份更稱心的工作。有網民向「奴工處」專頁投稿，指自己近日鼓起勇氣「逆市辭職」，但在最後上班日之前，仍然每日工作13小時......
延伸閲讀：【辭職學問】疫情嚴重影響市況 網民問現時辭職太不智？
Home Office每天工作13小時
事主最近無懼市況差，決意辭職，豈料在最後兩個月反而獲分派更多工作。雖然近日公司實行Home Office，不必回公司工作，但事主每天由早上9點工作至晚上10點，而老闆更不近人情，表示認為事主仍未夠忙碌，責問他「點解Lunch要出街食飯到而家」。事主離職在即，深感不妙：「我覺得自己要交接嘅嘢會炒車（出錯）...」。
網民建議每天準時放工
帖文引來不少網民留言，為事主抱不平：「你老闆根本係得寸進尺，老奉你要賣命畀佢。你辭職得太遲」。有同路人則表示「曾經Last Day嗰日做到10pm」、「逆市辭職，走前仲幫佢OT」。有人建議事主不必擔心太多、太上心：「應做嘅做晒，唔應做嘅都做埋，炒車咪由得佢囉，唔係你嘅責任，企埋一邊食花生啦」、「炒車唔關你事㗎啦，電話都唔好聽添呀」、「其實無人會多謝你、Appreciate你Quit後做嘅任何嘢，你亦都唔使Care你前老細講嘅嘢」、「炒咪有得佢炒囉，記住公司無咗你係唔會死嘅」。即使最後是否「炒車」，網民一致認為事主應每天準時放工。
延伸閲讀：【辭職學問】消除遞信3大擔憂 辭職都可以輕輕鬆鬆
另類建議：幫忙培訓新人
不少網民看不過眼，認為事主「奴性」太重，事事順從老闆。既然如此，應留下幫忙：「咁無辦法啦，唯有last day完之後繼續返公司做埋佢。就算有新人都未必即刻跟得切，有交帶啲，Train埋新人啦」、「辭職之後繼續返公司做埋Handover囉」。
Look out for further updates on our Facebook fan page!
【返工血淚史】網民嚴選最難上車的港鐵站 邊個站比金鐘更迫爆人？
【職場文化】辦公室政治你識幾多？睇清呢10條職場潛規則！
【讀者投稿】女上司當老闆神咁拜 任勞任怨做3倍工作量 「我以為自己入咗邪教」
【職場熱話】上司全靠此線索識破下屬WFH打機 網民︰下份工唔好啦
