comScoreTag
FancyBox
FancyBox

Health & Leisure

【美麗有罪】5大要靚唔要命壞習慣


珍妹



makeup
靚還靚,貪靚亦要保命養生。

有調查發現,化妝女比素顏女多賺30%。(更多詳情,按此)其實毋須甚麼調不調查,大概沒幾多人反對「靚女有著數」的說法。然而,靚還靚,貪靚亦要保命養生,否則一切都不過過眼雲煙。

以下5大「愛靚唔愛命」壞習慣,大家自求多福︰

愛靚唔愛命1︰晨早洗頭
別以為朝早一定可以「洗靚個頭」,事關一般來說,朝早趕頭趕命趕返工;結果,洗頭時亂抓一通,又沒時間沖乾淨髮絲,苦了頭皮和頭髮。

要靚又要命︰有研究顯示,頭皮會自行分泌類似保護膜的物質,對抗紫外線;唯這種物質須在洗頭後6小時才會開始分泌。為免頭髮受紫外線侵害,建議晚上洗頭。

愛靚唔愛命2︰孭大包包
大包包是知性的象徵,是不少氣質女鍾愛的袋款;加上大大個,方便攜帶各色化妝品,隨時補妝無難度。然而,長時間同一邊膊頭側揹手袋,可能使肌肉勞損,甚至導致高低膊。

要靚又要命︰定期清理袋中雜物減重;另,提醒要不時左右手輪流交替挽袋,分擔負荷。

愛靚唔愛命3︰穿高跟鞋
高跟鞋堪稱OL恩物,唯「高高在上」10多個小時,不但腳趾被「夾死」;就連小腿和腳掌都成為「重災區」;而腰背亦不能倖免,可謂「一腳累全身」。

要靚又要命︰鞋跟不宜超過2.5cm;粗跟和闊頭的款式,有助減少對腿部造成的壓力。若不得不穿高跟鞋,亦建議加鞋墊;並適時按摩小腿。

愛靚唔愛命4︰長期戴con
辦公室冷氣長開,濕度偏低;加上OL經常對著電腦工作,很容易出現眼乾、眼睛過勞及眼紅等。至於人工眼淚及眼藥水之類,亦只是治標不治本的方法。

要靚又要命︰切勿戴「過期con」;約每20分鐘至30分鐘看看綠色或遠距離景物,紓緩眼睛疲勞。若眼睛持續不適,應立即脫下隱形眼鏡,並盡快找醫生。

愛靚唔愛命5︰化濃妝
底霜、濕粉、碎粉、眼線、眼影、胭脂……化妝品內含有不少化學物質如鉛等,皮膚長期接觸,不但影響膚質,甚至可能導致腎病和腹痛等。

要靚又要命︰選用良好商譽及品質的化妝品;淡淡的裸妝能讓毛孔「呼吸」;放假時不妨素顏,讓皮膚好好休息。

延伸閱讀︰
- 【相逢何必曾坐正】5大辦公室衰位

- 【Go Green】素食8大唔知唔得

- 【萬聖節】食用南瓜4益處(附食譜)

- 【零食精】4招戒口痕

- 【Dry爆】10招保濕︰明知又唔做?

上載日期︰2014年11月18日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email