2020-04-08
正所謂「新嚟新豬肉」，又有云「後生仔唔好怕蝕底」，到底新入職是否就等於「老奉」捱罵？有打工仔於討論區發帖文，分享近日因工作而被上司「鬧得好甘」的經歷，坦言從未試過被人如此嚴厲地訓斥。
職場新手初嚐被「鬧得咁甘」
事主投身社會約9個月，日前因Send Email時用錯字眼，被上司嚴厲訓斥：「今日第一次比人鬧得咁甘。我知自己有錯，我真係好內疚畀到身邊嘅同事麻煩。但我又諗唔到咩方法，喺呢一刻可以補償返...」。當下內疚又難過的心情，令事主不禁向網民發問：「新人係咪會經歷過呢一啲嘅階段？」。
心知錯誤出於自己身上，這位職場新手表示：「今次事件真係自己問題，我係應該承擔返個責任。只不過未係好回復到狀態…我唔會辭職，因為我覺得責任喺我身上，如果辭職嘅話，就係不負責任」。縱使知錯，又肯以積極態度面對，但始終「真係未試過畀人咁樣鬧，有啲唔開心」。
網民紛紛留言勸事主盡快調整心態。除了改正過失，「更重要嘅係你要識得反擊，維護自己，顯得你強硬」。有人更提出「將工作當遊戲」大法：「如果你當返工係一種遊戲，新人呢個角色，其實咩技能都無，唯一嘅好處就係可以瘋狂跳槽，無負擔。所以就更加唔使畀面任何人，係必殺技嚟…同你講話尊重前輩、虛心學習嗰啲，你細心留意吓嗰啲人嘅成就，你會知道答案」。
香港人出名「奴性重」，但這並不代表瘋狂被侮辱也應啞忍。有時候，如果超越底線，便不應忍下去。在上班前，不妨先為自己設下底線，無論工作待遇有多吸引、薪金有多高，面對某些情況，亦不應毫無尊嚴地強忍，例如：面對無理辱罵、人身攻擊、詆毀家人、宗教信仰等。
Look out for further updates on our Facebook fan page!
【政府工略】教育局請行政事務主任 一年經驗 月薪$31,750
【職場英文】用呢10個英文字吸引HR的眼光！
【讀者投稿】職場大道理 同事：完成咗今日嘅事就算！
【區區打工仔】觀塘返工塞車 食飯難搵位 打工仔：唔係住將軍澳都唔好返……