【職場人際】有咩都可以同上司講?網民:客套說話你都信

CTgoodjobs編輯部

新人初入職場,未必了解與上司及同事的相處之道,容易遇上人際問題。有網民在社交平台專頁《奴工處》投稿,指上司經常向下屬表示,如果遇到什麼問題,或是做得不開心,都可以訴說;但當網民訴說自己的問題後,卻沒有得到預期的回應,最後更表示:「我唔會再信你㗎啦老細!」究竟有什麼內情?其他網民又有什麼意見?

按圖了解事發經過及網民回應:

事主:「老細成日同員工講有咩問題、有咩唔開心,可以講出嚟一齊解決,成日話會幫我哋。」

事主:「但每一次當我哋真喺講出嚟嘅時候,就只會覺得係我哋問題。次次都話返我哋,甚至覺得我哋增添佢煩惱。」

事主:「係咁的話,當初就唔好講到自己好似好願意幫助員工,好想明白員工咁啦。」

事主:「你唔咁講,我哋仲好過啊。我唔會再信你㗎啦老細!」

網民:「客套說話都信。」

網民:「點解你會信?」

網民:「無解決辦法,就唔好講個問題出嚟。師兄第一日返工?」

網民:「中咗一次伏,仲繼續講就喺你傻。」

網民:「無白紙黑字,講咩都喺廢話。」

網民:「假仁假義。」

網民:「完全明白。有咩可以講,但講咗就喺你問題;有咩可以問,但問咗就係你無腦。」

網民:「老細靠得住,豬乸會上樹。」

網民:「只怪你太年輕。」

網民:「有問題拎出來一齊討論,之後就話你伸手黨。如果自己諗咗,唔係佢心中嘅答案,就會扯火。」

網民:「以下3句話,信咗任何一句,足夠令你無法喺一間公司生存落去:1. 有啲咩都可以拎出嚟講,我好開明㗎。2. 下年就會加你人工,忍耐一陣。3. 我哋呢度最無是非。」

網民:「做乜咁天真,真係講出嚟㗎?」

職場上和上司的相處絕不簡單,加上「一種米養百種人」,上司類型都有很多種,下面就教大家面對5種不同上司時,如何見招拆招?

拆解5種上司類型:(按圖了解)

延伸閱讀:【職場貼士】湊唔掂老細?拆解5種上司類型 教你見招拆招

延伸閱讀:【職場熱話】網民力數老細各種黐線事跡 問周末得唔得閒返工

延伸閱讀:【職場熱話】辭職被老細威脅封殺 成功轉工加薪3倍 打工仔:完美復仇!

Look out for further updates on our Facebook fan page!