【職場健康】被同事個口臭到作嘔兼病埋 網民:咁臭可能係⋯⋯

有些人對氣味、味道很敏感,如果經常接觸的同事有口臭或體臭的問題,就真的是一個嚴重的煎熬!你身邊有沒有人有口臭問題?還是,你才是有口臭問題的一個?

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

有網民在社交平台專頁「奴工處」上以「男同事個口,臭到我病咗」為題投稿,被同事口臭攻擊到生病,如此誇張?她分享道:「我同一個男同事坐同一個辦公室,佢長期有口臭問題,每日都會食煎炸食物,有一次佢過嚟同我講公事,大家已經帶咗口罩,我一路同佢講嘢嘅時候已經用枕頭仔揞住個鼻,但係都冇法阻擋佢嘅口氣!」

她續道:「佢同我講完公事之後,就出咗房門去廁所,跟住我就開始作嘔,夜晚返到屋企繼續覺得好唔舒服,作嘔作悶頭痛,最後要食藥同昏迷一個鐘先可以復原精神。我已經明示暗示好多唔同方法,送香口膠、寫紙仔同佢講保持口氣清新、送牙膏牙刷漱口水,但係佢都仲未get到……」

事主都不斷送禮暗示,非常積極,可惜她的口臭同事卻未有意識到……

 

即睇網民回應:﹙按圖了解﹚

網民:「我都有同事個身臭,好似潮濕唔乾嘅汗衫味,最慘其他同事開空氣清新機,佢話啲味搞到間房好濁,難搞……」

網民:「我都有個同事係咁,我直接對他說,最後他走去睇醫生,照咗胃,原來胃發炎。食咗藥後就好了。間中他都有復發,仲要間中睇醫生,飲涼茶。」

網民:「以前我有個同事都係咁,最後原來係癌症。」

網民:「亦都有可能係口腔再加腸胃問題,咁濃烈嘅口臭好難搞。」

網民:「真係辛苦你!真係太誇張吧?咁其他同事呢?佢只同你講嘢?」

網民:「暗示完唔得,就直接講啦。出於關心嘅態度。」

網民:「其實咁臭可能生cancer,為人為己直接提吓佢啦。」

網民:「下次噴定空氣清新劑,我舊老闆仲衰,食完蒜頭開會。」

網民:「會唔會有扁桃腺結石呀?真係臭到嘔。」

網民:「或者下次佢行埋嚟同你講嘢嘅時候,你你快手啲塞嚿厠紙入去個口罩裏面,塞住個鼻哥窿啦。」

網民:「根牙周病、扁桃腺結石,要睇醫生。並唔係食香口膠可以解決咁簡單。」

網民:「總括上面留言口臭嘅原因有:蛀牙、腸胃唔好、牙縫污糟、癌症、體內毒素多、你有咗,我再加多個,白色珍珠。」

 

口臭成因
口氣的成因很有可能由疾病及衛生習慣引起,並不該以取笑別人為樂。口臭大致可分為兩種,一種是由不良生活習慣和個人衛生而引致的短暫性口臭;另一種則是疾病引起的口臭,如鼻竇炎或肝臟問題等﹐需要及早就醫解決。

短暫性的口臭成因,大約如下:
1.口腔衞生差
累積的牙石會導致牙周病,因而引致口臭。

2.假牙衞生欠佳
若假牙欠清潔或於睡覺時仍然佩戴著,都會引起口臭。

3.唾液流量不足
唾液有清潔口腔的功能,若唾液流量不足,口腔內的壞死細胞會聚積在舌頭、牙肉及面頰,就會產生口臭。

4.吃味道濃烈的食品
例如洋蔥、蒜頭及辣椒等,會引起暫時性的口臭。

5.吸煙
吸煙會令口腔充斥尼古丁臭味。

每天保持口腔衞生及良好的護齒習慣,可以預防口臭:  

1.擦牙
每日於早晚及進食後,都擦牙及適當地清理牙罅。另外,要妥善清理假牙,並在睡覺前把它除掉。

2.全日多喝水
保持口腔濕潤,幫助唾液分泌。

3.吃水果
避免進食味道濃烈的食品,多吃高纖維的水果,如蘋果、橙和芹菜更有幫助清潔牙齒。

4.中醫湯水
有時口臭是由胃熱引起,亦可以試試煲番茄豆芽菜湯,可以舒暢口瘡及口臭問題,但若本身脾胃弱、易膓瀉人士則不宜飲用。

5.戒煙
可嚐試咀嚼無糖香口膠以取而代之。

扁桃腺結石
而有網民留言指,口臭亦可以因為是口中有「白色珍珠」,其實是指扁桃腺結石。扁桃腺結石是指口腔中的壞死組織經過鈣化堆積而成,這些壞死組織會積聚在扁桃腺表面凹陷的隱窩(Crypt)中,逐漸堵塞並形成鈣化斑點。結石大部分呈乳黃色並帶有酸臭味,臨床上常見的症狀包括口臭、喉嚨痛、喉嚨異物感、味覺異常、耳朵痛以及吞嚥障礙等,患者有時也會將結石吐出。

扁桃腺結石建議到耳鼻喉科就診,如果結石較多醫師會使用吸除術的方式將結石吸出,有時也會使用抗生素來治療,因為抗生素可減緩口腔內細菌的生長。

最後,都有網民懷疑是因癌症而引起口臭,所以還是勸同事盡早就醫和檢查為妙,及早發現,及早治療。

 

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

Look out for further updates on our Facebook fan page!