【職場兩性】女同事疑似對自己好感 男網民列出8大曖昧行為 是真心定假意?

辦公室內同事日對夜對,男女之間有時會產生微妙的火花,因而發展成辦公室戀情。最近有男網民分享公司女同事疑似對自己好感,明明對方知他有另一半,仍有意無意地做出曖昧行為,「雖然我見到佢無心跳感覺,但呢排成日諗起佢,點解要刺激我,好痛苦。」

延伸閱讀:【讀者投稿】40歲女同事周圍收兵 年下男為供奉娘娘管接管送、做外賣仔

男事主表示自己已有一名拍拖5年的女朋友,但最近面對女同事的「誘惑」,令他忐忑不安。他指出:「佢都知我唔係單身,放咗工亦無搵我,但佢做嘅行為都令我凝住有啲嘢。本來已經的起心肝辭職,而家佢先搞啲咁嘅嘢……」

男網民列出8大曖昧行為:(按圖了解)
1/ 成日喺我面前笑
2/ 成日失驚無神喺我後面出現
3/ 久唔久就會講笑話畀我聽
4/ 行經過我身邊,會不經意地掂到我
5/ 食Lunch我問佢拎薯條食,佢成包畀咗我,仲喺我度拎返兩條食
6/ 食完飯執嘢,佢會執埋我張紙巾去扔
7/ 我作狀遞隻手問佢收錢,佢竟然同我high five
8/ 我送過張外賣宣傳貼紙畀佢,佢即刻貼落自己本notebook

其他網民覺得女同事是真心定假意?
網民A:放工之後唔會搵你,曖昧極有限,唔好FF 咁多,放工返去搵返女朋友啦。
網民B:好小事咋喎,呢啲係正常社交咋喎……諗咁多做乜?
網民C:你出得呢個post已經係動咗心啦,無謂呃自己無感覺。
網民D:男人愛新鮮,我之前都試過, 嘗試用其他嘢分散自己注意力,你都就走唔好搞咁多事。
網民E:有啲女仔好有機心,成日做呢啲曖昧嘢想收兵,然後你就係中咗招嗰個。
網民F:幾十歲人咪FF啦,唔通同事之間要西口西面先得咩,對你nice小小就話鐘意你……
網民G:幫你扔紙巾=覺得你無手尾;畀薯條你食=太熱氣食一兩條過口癮就算。
網民H:毒L最忌有自信呀,好好對你女朋友啦,辦公室戀情10個有9個都無好下場。
大部分都認為男事主想得太多,該女同事的行為只是正常社交禮儀,勸喻他不要有太多幻想。加上事主有正印女朋友,出軌乃是不道德之事,實在要三思。事實上,許多HR都說不要輕易發展辦公室戀情,因為見過很多人都不能夠修成正果之餘,最後更影響事業發展,因此在愛上你的同事前,先看看大家的意見。

辦公室戀情不被看好的原因:(按圖了解)
 



 
延伸閱讀:【職場兩性】網民大數職場曖昧對象有咩行為令人卻步?最扣分係:OOO凸咗出嚟!
Look out for further updates on our Facebook fan page!