【職場兩性】新同事竟然係前度 同唔同女朋友講好?

各位拍拖的打工仔,最怕是另一半的職場上有靚仔或靚女?還是最迫另一半在工作上遇到前度呢?如果真的意外遇到前度,又應否與另一半提起呢?

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

在男網民在討論區Dcard上分享,「想問女仔對另一半嘅前任點睇?背景:ex係我同學,學生時期愛得都好高調,成個page都係合照,分手後就收起晒。我哋唔係爛晒面咁散,冇聯繫,但算係朋友。始終都係同學,費事咁尷。近排入嚟嘅新同事原來係ex,我見到就覺得大鑊,主動同女朋友講又唔知點講起,唔講的話,佢第日自己發現仲衰,help!」
不知道各位打工仔又會怎樣選擇呢?
 
即睇網民回應:﹙按圖了解﹚
-直話直說,報告咁款,唔使特登當傾偈咁講起,如果好似普通傾偈咁提起ex,我仲覺得奇怪。
-特登唔講畀佢發現咪仲煩……
-坦白從寬。
-如果係我,我會講。同另一半傾偈講起工作點,順便講:「話說今日嚟咗個新同事,竟然係我個ex……」
-照直講啦!如果畀佢發現先嚟講,你就有排審。
-一定要講,仲要啱啱開始依家就好講,如果拖耐咗畀佢發現嘅話,點講都講唔清。
-直接講,只要你保證會同佢保持距離就得。
-要睇現任咩性格,再諗吓點講。我個人係唔mind嘅,始終再見亦是朋友,但如果你或對方有好感,就可以保持返一定距離。唯一要求係唔可以單獨同對方出去,傾msg我ok﹙因為禁到一時禁唔到一世,我寧願唔禁,畀多啲自由度大家。﹚
-你問得呢個問題,你女朋友應該對你處理異性關係嘅事情敏感,咁你直接同佢講:「近排嚟咗個新同事,竟然係EX,呢吓尷尬死!」,之後佢可能問點解嘅,咁之後點,你直接講你避開佢,去咗唔同崗位做。報告時著重講你care佢嚟到,令你唔舒服,咁你女朋友可能會因爲你咁樣諗,而覺得你應該唔會同佢有過多接觸。同時,避免講你EX同你發生咗啲咩,你留意到你EX啲咩。報告完你EX嚟做嘢,你之後提起嘅事情都盡量避免有你EX存在。就係咁,如果佢問起,你話冇留意,唔知喎,或者直接講你返工返成點。不過希望你真係好似上面提及嘅咁做,女人是敏感的,佢可能無意間check你。冇做過啲咩對唔住佢嘅嘢就唔使咁驚。
-直接說,單刀直入說:「呢個同事係我嘅前女友。」
坦白從寬 建立安全感
大部分女士都疑心重,若不坦白,後果似乎更難處理。所有網民都指事主應該向女朋友坦白,並採用報告般的語氣為佳,而陳述事實後,為免對方有不安的情緒,網民指:「只要你保證會同佢保持距離就得。」

兩性相處最重要的是信任與尊重,而即使對方選擇相信你,你都要令對方有安全感。所以,說謊或故意不提都不是上策。坦白才是相任的基礎。

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀:【讀者投稿】Sales同事一個電話就要人交嘢 打工仔爆炸:淨係服侍你一個?
延伸閱讀:【職場熱話】返新工3日知道全team同事已經遞晒信 打工仔:伏味濃?

 
Look out for further updates on our Facebook fan page!