【職場兩性】鍾意咗intern同事 以為追唔到都有朋友做 點知……

愛上同事並不是新鮮事,兩情相悅固然好,只是如果只是其中一方有意,而另一方無感覺,就比較尷尬了……

有男網民於討論區Dcard上發文分享,指自己喜歡了一位公司的實習生,可是對方卻表現冷淡,事主疑惑是否礙於雙方身份的問題……「我啱啱出嚟做嘢兩年,公司好信任我,大概3個月前畀我嗰team請intern,然後叫我lead住佢哋做,於是我就認識咗佢。初頭請佢嗰陣完全係因為skill set 好fit、應對好好,嗰陣仲未放低個ex,所以真係當佢係幫輕自己嘅助手。」

「但係相處落慢慢覺得呢個女仔真係好特別,首先身形衣着打扮完全係我杯茶,然後做嘢好認真,但係間唔中會頹,就會睇啲寵物片放鬆,笑起上嚟好單純好可愛,個反差出曬嚟。性格上應該係個乖、家教嚴,但係好自主獨立嘅叻女,表面做嘢會猶豫,但其實好有自己諗法。雖然外表斯文唔多講嘢,但係其實間唔中會串吓你,有少少「小惡魔」feel。」

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!

他指:「就係咁突然對佢好有興趣,其實同個ex 散咗之後一直有試下同身邊女性朋友傾偈,但係點都冇feel,唯獨係佢突然出現咗,好似一支箭直接打穿我嘅心房,之後我開始多咗搵佢傾偈,傾吓消費券點用、傾吓屋企寵物、傾吓菲林機。不過其實有兩個問題,第一係佢覆msg 覆得好慢,面對面傾偈都叫6:4比例唔係得我講,一msg就會變成得我自high咁;第二係佢一星期返三日,我衰面皮薄唔敢係公司繼續msg嘅話題,然後我就好似人格分裂咁,msg講一個topic,公司就傾公事同其他嘢。」
 
「我都盡量想同佢拉近關係,例如平時買零食啊、請下飲台式茶飲啊,佢唔舒服會買黑朱古力,同埋特登lunch揀啲有湯飲嘅餐廳,陪佢同其它intern一齊玩手機小遊戲咁。事情去到8月就出事啦,首先佢哋intern就嚟完,好似冇乜進展,我開始急就開始push得好快,成日想約佢,點知佢msg就愈覆愈慢。如果佢hea覆或者唔覆,我feel到收收哋皮其實都冇嘢,畢竟咁人哋冇feel都冇辦法。但係偏偏佢雖然一日先覆一句,但係又係一啲問題或者可以開新topic嘅reply,搞到我好鬼亂……」

即睇事主繼續分享及其他網民回應:﹙按圖了解﹚
事主:「上網睇啲人都話如果女仔肯收你嘅禮物其實都唔算反感,於是我主動買左啲菲林畀佢,咁啱佢又有啲手作放市集賣。」
事主:「我就話:『不如我用菲林同妳換張post card啦?』佢又ok 喔,之後我話不如一齊去市集直接攞,佢話諗吓先。」
事主:「點知第二日就同其他intern 講話約咗朋友去市集。我又想問點解唔直接話約咗人?咁拒絕唔係仲快仲直接咩?」
事主:「最後我都係去咗市集,仲買齊其它款,besides追唔追當支持朋友都好啊,不過撞唔到佢。」
事主:「去到last day,因為其實啲intern 都唔係特別鍾意公司,所以都冇咩特登影相定點,我最後收工嗰陣就話有機會就請佢哋食飯啦,話晒都係supervisor。」
事主:「然後大家散咗之後,我託其中一個都熟嘅intern問吓佢其實係咪feel 到我想追佢,同埋係咪想拒絕,點!知!!!!」
事主:「我熟嗰個intern(都係女仔)借啲易問佢會唔會出嚟食飯,佢話:『其實同阿X(即係小弟)傾偈少少尷尬,我覺得佢似阿頭多過朋友。完咗個intern應該都唔會特登同阿頭食飯啦,費時尷尬。」
事主:「我係……阿頭?朋友都算唔上?After everything,我係『hi bye not even friend?』但係我又唔覺得佢好當我係supervisor。」
事主:「佢會同我講公司唔好,會講自己嚟緊工作想點。咁我哋傾偈講屋企嘅嘢?大家分享之前relationship嘅時候你又唔介意講?」
事主:「好啦,我想問大家,其實身份係咪一個好大嘅問題?如果一開始我唔係佢super咁會唔會發展得好啲?」
事主:「究竟係本身就唔夾,定係一開始假設咗對方身份,就會點傾都覺得好怪?」
事主:「因為我老實講,都發現自己同佢傾偈都唔係一貫嘅語氣,就是太緊張會令佢唔鍾意所以好小心,點知就好唔自然。」
網民:「咪就係冇feel,關咩身份事。」
網民:「佢對你冇興趣。」
網民:「等我幫你分析一下,其實離職後如果關係好,係可以繼續做朋友的,我同某啲舊同事都會一齊玩或食飯。問題係,基於你係佢老細,你送嘢佢唔敢唔收;你約佢,佢唔敢當面拒絕(所以先事後拒絕),證明咗佢對你都冇興趣,其實佢係知你對佢有興趣,但佢對你冇。廢事晒大家時間,所以佢連朋友都唔同你做。」
網民:「樓主搵過下一個好女仔算啦!」
網民:「講得絕啲,你前面一堆『feel』其實係你自己主觀,憑對方hea覆都知冇機,佢啲表現純粹客客氣氣正常社交表現,仲要下下都係你主動搵人傾偈,收禮物唔反感=neutral=冇好感,雖然關關哋身份事,不過唔係『你唔係佢阿頭』就會friend啲,而係『你唔係佢阿頭會仲衰』希望唔好太傷心,明天又是一條好漢!」
旁觀者清
網民狠狠地讓事主知道,其實種種事例都說明了,該女生對事主沒意,有網民坦白指出:「你前面一堆『feel』其實係你自己主觀,憑對方hea覆都知冇機,佢啲表現純粹客客氣氣正常社交表現,仲要下下都係你主動搵人傾偈,收禮物唔反感=neutral=冇好感,雖然關關哋身份事,不過唔係『你唔係佢阿頭』就會friend啲,而係『你唔係佢阿頭會仲衰』希望唔好太傷心,明天又是一條好漢!」

感情沒辦法勉強,祝事主能找到合適的另一半。

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!
延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!
延伸閱讀:【另類職人】凶宅清潔師見盡凶案現場 血跡未算最驚心 更試過被報夢…
延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

 
Look out for further updates on our Facebook fan page!

Related Articles

  • 【職場熱話】仲有一星期last day 阿姐仲話要交計劃書 網民:求其寫話投資30億!

    打工仔總是覺得在遞信的一刻就已經有解脫的感覺,接下來的一個月彷彿就不用做似的。不過,這一個月就是決定別人怎樣評價你的關鍵。如果你事事不上心,求其兼甩漏多,別人會怎樣看你?這一個月你還是受薪的,不如盡責到最後,證明公司失去了你,是他們的損失,不是比較好嗎?

  • 【讀者投稿】公司成日冇廁所水 壞足幾日 勁唔方便!同事:用晒啲時間嚟沖廁!

    一個好的廁所,定能提升各位同事的工作情緒,畢竟廁所曾被喻為避世聖地,大家想小睡、休息、煲劇、冷靜,都曾躲進過廁所。如果公司廁所經常故障,會否令大家的工作氣氛大跌呢?

  • 【職場熱話】教識新上司做所有report 打工仔即被炒 網民:其實公司部署好晒…

    職場上往往發生很多打完齋唔要和尚、對員工用完即棄的悲慘事件,你以為公司不會做得出嗎?其實很多公司都真的對員工很狠心……

  • 【職場兩性】女友返朝九晚五 男友返夜 作息唔同 唔通要分手?

    工作時間都會成為打工仔情侶之間的分手原因?以為這是小題大造嗎?可是,工作時間的長短及模式如輪班、穩定上班時間,都是直接影響情侶相處時間多少的原因!如果一個返早,一個返夜,完全錯過大家休息的時間,那該怎樣辦才好?

  • 【職場熱話】上司次次分派工作都話做好可以升職!網民:做好係升佢……

    一個好上司,會懂得體諒下屬,適時會哄他們,給予適當的讚賞,讓他們更有動力去完成目標,增加工作的效率。不過,有時有些上司則不懂得拿捏鼓勵和信口開河之間的分別,令到員工對上司的誠信質疑……

  • 【職場熱話】公司冇廁所 三個公廁你會揀邊個?冇水、臭味、行遠啲……

    公司最困擾的是甚麼?「冇廁所」絕對是排第一位吧!解決生理需要是員工最基本的權利,公司連廁所都沒有,水都不敢多喝!這樣的工作環境,叫人怎樣投入呢?

  • 【職場兩性】女同事係男友個ex!世紀大尷尬 點處理好?

    有時世界真的很細,公司的同事可能與你有重大的關係!有女網民分享,在公司與自己挺投契的女同事,竟然是……

  • 【職場熱話】勞力工定office工辛苦啲? PR:坐office都好唔輕鬆…

    勞力工作較辛苦還是office工作辛苦?可能很多人都會覺得一定是勞力工作較為辛苦,日曬雨淋,工作環境危險;office工作常常可以在室內有冷氣的環境工作,還喊甚麼辛苦?

  • 【網絡熱話】寵物迎接回家、家人煮好飯……打工仔10個放工後的小確幸

    都市人工作壓力大,又要經常OT,逗留在公司的時間隨時多過在家中,下班後的私人時間顯得難能可貴。工作雖然辛苦,但生活中總有小確幸會令打工仔會心微笑,排解負面情緒。最近有網民發起「一人一件放工返屋企最幸福嘅小事」討論,分享放工後最期待的幸福時刻,你有共鳴嗎?

  • 【職場熱話】新同事英文名叫Hi 一打招呼就覺好笑 網民一人一個搞笑英文名

    大家工作上有遇過一些奇奇怪怪、標奇立異的英文名嗎?特別的英文名會令人印象深刻,不過是正面的深刻還是負面的深刻,就得看你的選擇與姓氏配搭了……