【職場奇聞】做Marketing要洗埋廁所？員工大感無奈

延伸閱讀：【職場奇聞】人無恥則無敵！極厚面皮女同事背後被斥「八婆」

中小企員工身兼多職屬等閒事
事主表示自己於一間「蚊型公司」屬Marketing Team，早已習慣「要做好多唔係職責範圍內嘅嘢」。而最近經濟環境惡劣，老闆表示「請唔到清潔姐姐」，更要求事主「拍硬當，洗埋廁所」。

老闆自視過高
雖然有網民安慰事主：「都係一個經歷嚟嘅」，但有人就反指：「細公司一腳踢在所難免，但唔係去到洗廁所呢個層面囉！」。有人就直指事主的老闆自視過高，以為「老闆以外嘅所有員工都係打雜」。不少人為事主抱不平：「個老細都傻傻地，話明蚊型公司，就唔好租個有廁所嘅單位啦。又要揾人洗，又要畀水費、排污費，貪有個廁所過癮啲？」、「我一定唔會做囉，一係就畀多份錢我，咁就可以考慮」。

延伸閱讀：【職場奇聞】女同事老公踩上公司 事情發展令同事目瞪口呆

苦中作樂 「疫」境自強
市道差，打工仔需要有苦中作樂的精神。有網民就表示：「好彩我哋公司無廁所咋」、「我好你少少，只係買清潔用品畀姐姐清潔Office啫，蚊型公司就係咁」。有人就本着「阿Q精神」面對這種情況：「自己有份用，洗乾淨啲好」。有人更出謀獻計，建議事主出奇招避過一劫：「掛塊牌『清潔中，請勿內進』。我相信成間公司得你一個人用」。