2020-04-22
疫情之下，公司紛紛慳錢開源節流，減人工、裁員、安排員工放無薪假等。員工亦不得不與公司一起共渡時艱，捱過新冠肺炎這一關。有打工仔在社交網絡投稿，指公司為了慳錢，竟然將原本用作annual dinner抽獎用的禮品，以「優惠價」售給員工。
延伸閱讀：【職場奇聞】為咗女下屬激嬲老婆 全因一粒鈕...？
超過10份禮物包括手機、家電
由於今年的annual dinner因疫情而取消，公司原本早已購買的抽獎禮物，包括iPhone、風筒等，將會出售予員工。事主表示：「我以為會照喺公司抽奬，後來發覺自己真係太年輕。今日公司話，歡迎所有同事以優惠價購買呀，咁貼心都諗到，真係抵。公司喺呢啲時候都講到錢呀」。
禮物變轉售「好老套」
網民紛紛表示不會「幫襯」這些原本是禮物的用品：「當平日員工優惠係好嘅，但當禮物又唔係送畀人就老土啲」、「點優惠法先？同埋佢咁做好cheap，送變咗賣」。有人就建議事主及其同事不要支持這項買賣：「買佢條毛呀！等佢留返自己煲醋啦」、「集體擺買，等佢變蟹貨」。相反，有網民就表示，如果優惠價夠便宜，還是會購買：「穿窿風筒唔使2,000元的話即買！」、「優惠價正價5折即畀」。
延伸閱讀：【職場奇聞】極賴皮！賤格同事：覺得唔改無問題喎！
集體罷買有望下年重用
有人對所獲利潤歸於何處感到好奇，留言問事主，公司賣出奬品的利潤，「啲錢歸邊個？」。對於公司有轉售貨物圖利之嫌，有心水清的網民就認為應集體罷買：「一於齊齊唔好買，賣唔去留返下年抽」。
Look out for further updates on our Facebook fan page!
【職場貼士】網民分享被炒警號 職場遇到咩就要諗定後路？
【職場貼士】返工做獨行俠好難發圍？5個貼士成為優秀Team Player
【職場文化】公司轉行Agile項目管理模式 打工仔：日日都開吹水會、改到頭暈
【職場熱話】教識新上司做所有report 打工仔即被炒 網民：其實公司部署好晒…
