【職場奇聞】筆唔准放枱面！嚴選Office最黑人問號事件/規定

延伸閲讀：【職場人際】介紹朋友入職 朋友嫌一件事最後導致二人反面

規定用完要插回筆筒
有女網民分享以前在診所上班時的奇怪規定，表示上司定立多項規定，而她「自問自己都好乖，讀Nursing都畀人讚醒目」。但面對規矩多多的上司，始終覺得「難頂」。除了經常批評她「高分低能」，更強制要求同事嚴格遵守各種規則，包括每次用完筆都要插在筆筒，不能放在枱面，以免掉在地上。

身體不適慘遭冤枉
另一女網民則分享被同屬女性的上司欺凌經過：「啱啱入職兩星期左右，壓力超大，Period多到暈暈地」，故進洗手間處理，豈料遭兩個上司「瘋狂扭廁所門鎖」，並表示「你快啲出嚟啦，逃避係無用架」。事主只好出盡力表示：「真係唔舒服」。如此難堪的經歷，她表示「一定記一世」。

苦求工作最終反被解僱
有人工作不順，最後更被解僱：「第一日返工，同事已經勁冷漠。上司長期勁忙，唔得閒教我嘢」。如此情況下，事主主動要求同事分配工作不果：「長期無嘢做，要r嘢做。其他人又無太多嘢畀到我做，收工又個個扮忙繼續OT，但明明無嘢做。我自己準時收工，老細又畀說話我聽，最後炒埋」。

延伸閲讀：【網民職場Talk】因乜解究5個同事同日補錢即走？之後仲搞到咁...

吹毛求疵最討厭
有打工仔就憶述以往從事餐飲業的無奈工作日常：「第一次返侍應兼職，有個Senior接近次次喺我收盤之後，都話我邊度做得唔啱，起碼連續話咗我7、8次」。初入職被指正，聽起來無甚不妥，奇就奇在每次「啲內容都係雞毛蒜皮，最記得有次，話對筷子個頭突咗出個托盤少少」。

久而久之，事主有感被欺凌，最後忍不住辭職轉工。他更建議其他網民：「大家做得唔開心就走啦，千祈唔好覺得係自己問題，逼自己死頂會影響自信心」。