【職場宗教】老闆信佛後禁慶祝西方節日 網民:咁公司係老闆嘅

作為中西文化交匯之處,香港不少人會慶祝中式與西式節日,連被稱為「西洋鬼節」萬聖節也不例外,許多成年人當晚會到蘭桂坊或者主題公園等地扮鬼扮馬,小朋友則會到鄰居家門討糖果吃。不過,慶祝關乎鬼怪的節日未必人人可接受。最近有名打工仔在「香港討論區」發文,表示其公司原先打算慶祝萬聖節,但最終卻因為老闆一錘定音而不了了之。

延伸閱讀:【職場熱話】欺騙南亞人同事吃豬肉 網民:挑戰信仰無家教

即睇事主分享及網民回應:(按圖了解)

事主:HR同我講,原來佢哋本身諗住搞下活動慶祝萬聖節。

事主:但老闆唔俾,連萬聖節裝飾都唔俾整,想放盒糖都唔得……

事主:原因係因為老闆信咗佛教,所以佢同HR講唔可以再慶祝西方節日囉!咁都得……

網民:咁間公司係老闆嘅,佢定呢啲規矩又無得say no。你哋可以放工喺公司以外嘅地方自己慶祝都得㗎。

網民:大前題是佢係老闆,員工唯有配合。

網民:信佛教只不過係一個藉口,主要係唔想攪。

網民:笑死,應該聖誕連都無party。

網民:樓主想公司搞,梗係想公司出埋錢啦!

網民:其實點解要慶祝萬聖節?七月十四有無燒衣?一樣鬼門關開。

網民:咁出年七月十四先搞Chinese Halloween囉!

網民:唔通寶蓮寺唔俾人喺大雄寶殿搞彌撒咩?

網民:老闆心諗,見到你班人,日日都係萬聖節。

網民:好明顯想你班友正正經經做嘢啦。

網民:我咁睇啦,返工嘅地方就搵食嘅啫,想要氣氛咪放工約埋去老蘭或者去海洋公園。

網民:有咩好慶祝?好多宗教學校都唔俾裝飾,叫做接觸魔鬼,用吓腦啦!

網民:老闆信咗佛,咁公司有無在佛誕前後放多一、兩日假?

網民:大把公司唔會慶祝節日,返工準時出糧最重要。

 

部分宗教忌邪 互諒互讓要緊

有網民認為佛教徒甚少阻止他人慶祝萬聖節,禁止慶祝的真正原因是避免不必要支出,以及影響同事工作。話雖如此,慶祝萬聖節在宗教層面一直存在爭議,有任職於私人屋苑物業管理的網民指出,「每年萬聖節佈置裝飾都畀耶穌教徒住客投訴,話導人崇拜撒旦。」另有網民直言,即使信教與否,「萬聖節同巫毒有關,唔應該慶祝」。基督教、天主教等因宗教規條反對任何慶祝鬼怪的節日,《聖經》十誡(參閱出埃及記20章)中更指出不可崇拜耶和華以外的神和偶像。

部分與禁止崇拜鬼怪相關的《聖經》經文:(以和合本為準,按圖了解)

・除了我以外,你不可有別的神。不可為自己雕刻偶像,也不可做什麼形像彷彿上天、下地,和地底下、水中的百物。不可跪拜那些像,也不可事奉他,因為我耶和華─你的神是忌邪的神。恨我的,我必追討他的罪,自父及子,直到三四代;愛我、守我誡命的,我必向他們發慈愛,直到千代。(出埃及記20章3-6節)

・你們中間不可有人使兒女經火,也不可有占卜的、觀兆的、用法術的、行邪術的、用迷術的、交鬼的、行巫術的、過陰的。(申命記18章10-11節)

・務要謹守,警醒。因為你們的仇敵魔鬼,如同吼叫的獅子,遍地遊行,尋找可吞吃的人。(彼得前書5章8節)

無論如何,在辦公室慶祝節日並非必然,如果老闆不允許慶祝,打工仔也難以推翻這個決定。至於宗教方面,《基本法》第32條列明「香港居民有宗教信仰的自由,有公開傳教和舉行、參加宗教活動的自由。」大家應互相尊重他人所信奉的宗教,締造宗教多元的和諧社會。

延伸閱讀:【職場熱話】老闆話「好接受意見」係信任嘅表現?網民:下半句係態度照舊

延伸閱讀:【職場文化】盤點10大同事討厭的壞習慣 遲到早退 榜首竟然是…

延伸閱讀:【職場文化】公司有外國同事 你會唔會主動同佢傾偈?

Look out for further updates on our Facebook fan page!