|
打工仔唔只要識打工,仲要識睇同事、老細的眉頭眼額,捉摸佢哋嘅心理。老細秒速變臉,立即變黑亦得,最大機會就是打工仔「做錯事」(多數係,除非唔係),唔知你哋又做過以下邊幾件事呢?
延伸閱讀:【網民職場Talk】為逼員工離職 公司常用10大手段
Level 1︰遲到
視乎閣下咩情況遲到︰返工遲,次數唔多就隻眼開隻眼閉;開會遲,就當你為趕埋份Report;見客遲,有合理原因或者會放過你。咁幾時黑面?例遲、無原因地遲囉!
Level 2︰行喺佢前面
日常辦公室走動就無所謂,但如果遇上見客、開大會等場合,而你又唔係擔大旗的話,就唔好亂逞強行喺最前線。
Level 3︰篤中老細死穴
每個人都有弱點,所謂「伴君如胖虎」,唔理你同老細有幾Friend,有啲說話即使大家心知肚明,都不宜講出口,都係嗰句:「後果自負」,得閒最好打聽下老細有咩死穴,免得自己中伏都唔知!
Level 4︰入Lift見到老細時狂撳閂門掣
見唔到就算,如果見到老細都扮見唔到,仲要畀佢知道你走頭……「人嚟!」。
Level 5︰黑老細面
可能你係發緊呆、發緊夢,諗緊Lunch食咩,但唔顧自己個樣,老細好容易以為你黑佢面,內心有不滿,佢塊面隨時黑過墨汁!
Level 6︰見到老細無Say Hi
「打招呼」是基本尊重,如果「掂行掂過」,就算係同事可能都會黑面啦。
Level 7︰藍剔老細Message
當然唔止WhatsApp,所有老細Send嘅Email、打嘅電話,如果都已讀不回,2個藍剔就會換嚟1塊黑面。唔想Send錯?睇埋同老細Whatsapp有邊4大禁忌……
Level 8︰Send錯八卦Email畀老細
同事之間開心Share各種趣事、八卦,有助增進辦公室友誼,但一個唔小心Send錯畀老細,唔止友誼到此為止,可能連份工都……
延伸閱讀:【網民職場Talk】曾Send錯擦鞋WhatsApp 無恥同事獲上司賞識
Level 9︰當眾話老細
除非你打算即日辭職啦,但人要面樹要皮,有意見最好就事後提點,當眾話老細代表你唔識做,隨時炒得。點樣指正老細同時保住佢嘅顏面?睇下呢2大方法
Level 10︰老細M到 / Uncle到
不解釋。
更多同老細嘅相處之道
【職場熱話】上司推銷宗教唔知點拒絕? 網民齊推一招應對
【職場人際】討好上司只有一個重點 彼此絕對無友情