【職場戀愛】男上司同男下屬打機 情到濃時鍚咗啖 網民:快啲表白!

ViuTV劇《大叔的愛》正在熱播,由黃德斌﹑簡慕華與MIRROR成員呂爵安(Edan)、盧瀚霆(Anson Lo)和邱士縉(Stanley)主演,播出首星期已得到不少正評,原來大家對男上司與男下屬的戀情如此支持!

延伸閱讀:【職場戀愛】男同事枱頭有玫瑰 冇人敢認送花 發現心意卡上有男上司簽名…

早前分享過男網民在討論區Dcard上指,男上司送花的經驗,得到不少網民的祝褔和鼓勵,而他竟然又再次分享後續的發展!上回提到,男網民指在公司枱頭上收到一束玫瑰配上滿天星,回家發現內有心意卡,上款是自己的名字,而下款則是男上司的名字。不知所措的他,感到自己的毒毒外型與醒目的男上司之間距離甚大,沒理由會喜歡自己。
不過他還是約男上司食飯說清楚,了解到男上司真的喜歡自己,他們決定由朋友開始做起……

延伸閱讀:【職場戀愛】精英男上司向毒毒男下屬表白 事主:A0嘅特徵我有齊 心跳好快…

事主指自從上次以後,基本上差不多日日都會與男上司放工後食飯,「有時佢OT,我都會留低幫吓佢手,喺過程中,我了解到其實佢又冇想像中咁悶,反而會係咁講啲唔好笑嘅笑話,然後我就扮到好好笑咁笑吓。」

事主覺得與男上司的價值觀相似,二人十分投契,「可以有同感到傾足個幾鐘!有時大家會訴吓苦同互串。佢行為舉動都好take care我,搞到我勁shy。因為上司屋企都幾近公司,所以有時都會上佢屋企打機,佢知我鍾意打機,就買咗好多我玩開嘅game。」二人關係慢慢拉近,對話亦愈來愈曖昧。一切只等事主給予男上司的答案,而事主亦打算擇日答覆男上司,還特地買了套靚衫。「本來都順順利利嘅,但係,因為幾日前發生咗啲事……」
 
即睇事主分享及其他網民意見:﹙按圖了解﹚
-事源係星期二晚,就上咗佢屋企打幾個鐘機。之後傾傾吓突然大家有feel,佢就想錫落嚟! 
-咁個吓我個腦反應係:「初吻?拍咗拖之後先錫!」然後就推開咗佢。
-之後個氣氛變到好尷尬,我又紅都面晒,唔知點解釋,又無勇氣當下表白,就話夠鐘搭車走。 
-Sorry責任全在我。第二日返工,雖然佢都照係好nice咁對我,但feel到佢好避忌同我接觸。
-之後星期四佢就同我講咗幾樣嘢同埋道歉,好似係想斷咗關係。
-1.佢對自己開始無信心;2.其實佢一直好內疚,如果我因為佢而變gay,覺得係害咗我;3.佢覺得佢係多多少少用緊職權令我就範。
-所以我先會迎合佢,但錫個時會推開佢。我聽到個吓都唔知講咩好,然後佢無畀我解釋就走咗。
-我知我推開人真係好hurt人,我有諗過解釋我唔係唔想錫,而係好毒嘅諗法係拍咗拖先錫。
-但係咪真係有人會信咁膠嘅諗法,我講出嚟都覺得好樣衰,我又怕醜唔知點開口講「kiss、錫」出嚟。
-同埋佢講嘅無信心又係一個問題。 呢兩日,我已經深刻地反思咗,我應該要講返我個真實嘅感受出嚟,
-無論佢接唔接受到都好,無論最後結果係一場空都好。其實我唔想無咗佢,諗返同佢一齊嘅時間真係好開心,係我近幾年無趣嘅生活中嘅happy hour。
- 依家一方面好有衝動想上去佢屋企搵佢解釋同表白,另一方面我又怕畀佢覺得我嘅解釋好荒謬。
-你咁介意佢嘅睇法,咁就照直講啦!講完就無憾,唔好畀自己後悔!
-其實係因為你畀咗一個錯誤嘅訊息佢,所以佢覺得冇機會。如果你想keep,我諗你要勇敢啲講返你自己點樣諗,唔好畀佢覺得你係驚咗佢,樓主加油!等你好消息!
-其實聽到yes就好夠,佢又點會介意原因呢?最多日後當笑料畀大家笑一笑啫。
-樓主去馬!如果係你表白同主動錫佢,佢應該會好驚喜,唔在乎前兩日有冇推開佢,只要你應承佢,所有信心都會返嚟!
-如果樓主有講唔出口嘅話,我覺得樓主可以寫落信紙度,配返束花,就好似之前佢同你表白一樣,拎花去佢屋企。
-樓主真係好純情,唔係笑你,我覺得其他人係可以接受呢個解釋,至少我ok,因為你係A0嘛!
-如果係就依家衝去解釋啦!我相信你真誠嘅態度一定可以令佢有返自信心!
 
網民支持去解釋
其他網民都不停鼓勵事主以真誠的態度去解釋和表白,並建議了多種方法,提醒事主:「唔使特別要氹啲咩,你講返你最真實嘅感受就得啦!佢就係鍾意本來最真實嘅你!」、「有誤會一定要解釋!如果唔係可能會後悔一世。緣分來了要捉緊機會,佢冇信心你就比信心佢!」

大家都覺得如果事主真的想與男上司在一起,就誠實地說清楚,「好過你唔講就咁完咗喺度後悔。」

希望事主與男上司有一個美滿的結局!
﹙待續﹚

《男上司追我》前兩集:
延伸閱讀:【職場戀愛】男同事枱頭有玫瑰 冇人敢認送花 發現心意卡上有男上司簽名…
延伸閱讀:【職場戀愛】精英男上司向毒毒男下屬表白 事主:A0嘅特徵我有齊 心跳好快…

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀:【讀者投稿】Sales同事一個電話就要人交嘢 打工仔爆炸:淨係服侍你一個?

延伸閱讀:【職場熱話】返新工3日知道全team同事已經遞晒信 打工仔:伏味濃?

 
Look out for further updates on our Facebook fan page!

Related Articles

  • 【職場戀愛】男上司追男下屬 結局竟然反轉? 網民:sweet過睇BL!

    ViuTV劇《大叔的愛》正在熱播,由黃德斌﹑簡慕華與MIRROR成員呂爵安(Edan)、盧瀚霆(Anson Lo)和邱士縉(Stanley)主演,播出首星期已得到不少正評,原來大家對男上司與男下屬的戀情如此支持!

  • 【職場熱話】打工仔男友超庹縮 學生女友:毫子都要同我計到盡!

    又要返工,又要拍拖,相信不少在拍拖中的打工仔都有一定的苦惱——儲錢真的很困難?拍拖會有一定的使費,薪金不多的打工仔定有不少壓力吧?所以,其實有不少情侶都奉行AA制,各付各的,那就可以減輕大家的壓力了吧?

  • 【職場熱話】同女強人上司拍拖 朋友紛紛唔睇好 網民:理乜鬼世俗眼光

    辦公室時會孕育出愛情的小樹苗,有時是同事,有時是上司與下屬,不過,是否每一對都會被大家看好呢?

  • 【職場熱話】黑雨地盤都要照返工 員工:水浸到要坐艇走!

    昨日天台文於8:20am發出黑色暴雨警告訊號,其實很多住得遠的打工仔都已經在上班途中,所以大多都需要正常上班。雖然黑色暴雨警告只發出了短短兩三小時,可是一些低窪地區已經釀成水浸,尤其是地盤,更加變成一片汪洋!

  • 【職場兩性】已婚男上司成日約女同事 網民:一隻手掌拍唔響!

    同事朝見口晚見面,不小心日久生情乃平常事,亦有不少同事和上司喜歡在職場上「獵食」。兩情相悅且單身故然好,不過有不少有婦之夫或有夫之婦卻仍然不安分守己……

  • 【職場熱話】「能者多勞」係讚美定懶人嘅藉口?網民:難聽過粗口!

    一個工作小組中,每個員工的工作能力都不同,即使大家的職位與薪金一樣或相約,上司都會按各人的工作能力來分配工作。如此情況下,工作能力高的員工,豈不就很蝕底?而上司往往就只會用「能者多勞」來安慰你,你又是否受落呢?

  • 【職場熱話】唔派散水餅、退group放狠話 打工仔大暴走!

    不少打工仔都有辭職的經驗吧?辭職的原因有很多,上司衰、同事差、人工低、褔利少等等,大部分都要偏向負面的。很多事都是因為人事問題而令大家有離開的念頭。不過,即使帶着不忿的心情,大家卻要因為傳統而請大家食散水餅?明明就因為某些人而走,還要請他食餅,這不會太不合理嗎?

  • 【職場兩性】新同事竟然係前度 同唔同女朋友講好?

    各位拍拖的打工仔,最怕是另一半的職場上有靚仔或靚女?還是最迫另一半在工作上遇到前度呢?如果真的意外遇到前度,又應否與另一半提起呢?

  • 【職場熱話】公司換新printer上司要大家約時間做training 打工仔:學完要考試…

    社會在向前,每日都會有新知識,所以員工都要不斷接受公司的training,學習新系統、新科技。但有沒有想過,連公司換一部新printer,上司都要為大家做一個training?

  • 【職場熱話】大叔同事鍾意撩女同事 接受唔到dead air 問:你係咪覺得好無聊?

    大家都想與同事關係密切,希望可以與大家打成一片。可是,人夾人緣,我們不能與所有人都投契或有共同話題,一切都是緣份。若勉強與對方說話,更可能會惹來反感……