【職場文化】是非當人情!被舊同事惡意中傷 打工仔︰以為公司無咗佢唔得

職場如戰場,即使當刻你與身邊的同事關係密切,難保下一秒因自身利益而背叛你。讀者Stephanie分享自己的經歷,她大呻被剛離職、感情好好的舊同事惡意中傷,令公司和部份同事以為她工作能力有問題,令Stephanie對該名舊同事極之失望,「佢仲不停講自己幾叻幾叻,咪又係其他人幫佢做,功勞就自己拎晒,仲講到以為公司無咗佢唔得。」

按圖了解讀者Stephanie的故事︰
讀者Stephanie分享︰「2/以前我真係無諗過咁多,而家先知喺公司真係唔可以投入咁多感情。我入咗呢間公司兩年,時間唔耐,但係好似經歷咗好多嘢咁。疫情下,公司業績無過往咁好,我做Sales嘅感受好深,差唔多無公司肯見你。直至呢排個市旺返啲,生意先叫好咗,如果Keep住上年咁嘅情況,其實真係好易執笠。個市好返,好多同事都陸續離職搵新機會,舊同事Judy都係其中一個。

講起Judy,其實佢都算係我舊戰友,好多時啲客有幾煩,佢都會幫手處理,久而久之多咗同佢交流。由畢業到而家,我身邊啲人都話喺辦公室唔好投入咁多感情,我明白,所以我對任何同事包括Judy都係講公事多。不過你明唔明,有時做嘢做到好嬲好想發脾氣,你就會忍唔住想同人發洩當刻嘅情緒,如果唔講晒出嚟,我驚我真係忍唔住會爆發。

個幾月前,Judy都搵到新工啦!不過我點都無諗過,佢個人原來係咁賤格。佢喺自己準備離開之前,不停放風畀其他部門嘅同事,話我同另一個同事工作能力差。 我從某位同事口中聽返嚟,話Judy不停踩同Team嘅人藉以抬高自己。 雖然聽完我有啲嬲,但我都算啦,當佢是非當人情啦。點知佢越講越過份,將成Team嘅功勞歸於自己,仲話唔知無咗佢條Team一定會死。乜料呀?佢會唔會太過自大呀?呢個世界唔會話無咗邊個唔得,更何況佢成日都請假、遲到又早退,跑數又跑最少,有咩資格講呢啲說話? 我啲同事話返畀我聽,原來佢唔只第一次惡意中傷人,佢好鍾意周圍八卦其他人做乜,目的就係是非當人情,提高自己地位。

Fine!佢都離開咗囉,我恭喜佢搵到個新地方,可以繼續佢嘅是非之路啦!」

延伸閱讀︰【職場貼士】職場新鮮人易中辦公室地雷?網民教路︰唔好信晒人

 簡單5招遠離無聊辦公室政治
在職場上互相交換情報,是非當人情實屬常事。不想捲入無謂的辦公室政治,可以參考以下5個方法,讓是非精閉上嘴巴。

按圖了解遠離辦公室政治方法︰
延伸閱讀︰【職場熱話】喺位食早餐、食飯超時、冇倒垃圾 通通記名!網民:慘過返學!

延伸閱讀︰【讀者投稿】40歲女同事周圍收兵 年下男為供奉娘娘管接管送、做外賣仔
Look out for further updates on our Facebook fan page!