【職場文化】藍領員工被白領經理指責飲茶超時 霸氣反擊:白領級有飲茶時間咩?

員工與上司之間總會存在一些衝突,不過若不影響大局,有時「隻眼開,隻眼閉」亦是一種交際手法,每次都硬碰硬的話,只會令日後的工作關係惡化,工作效率下降。

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

有網民在社交討論平台「奴工處」專頁上投稿,以「霸氣KO總經理」為題分享:「公司係做工程,有明文規定藍領員工嘅早、午、晚餐同飲茶時間,相對公司內的白領係冇飲茶時間的。有日有位藍領員工飲茶飲多咗5分鐘,就被個總經理喺飯堂大聲指罵飲茶超時。不過呢位藍領都唔係流料,即係反擊:『你白領級有飲茶時間咩?公司職員手冊你冇睇?身為總經理公司蝕緊錢,你唔諗方法賺錢係度捉人飲茶?收幾十萬人工做雞毛蒜皮嘅事,不如炒咗你自己幫公司喇!』」

不少網民都覺得藍領員工非常霸氣!
 
即睇網民回應:﹙按圖了解﹚
-呢位藍領員工真係型到裂!
-有啲扮工室西人,持住自己有少少話事權,就蝦蝦霸霸,呢啲人唔鬧唔鬆化,鬧完即笠水。
-精彩!最後嗰句簡直係真理!
-開心!做得好!
-架係自己丟。
-藍領好有霸氣!
-但是鬧完總經理,真喺唔會畀人炒嘅咩?
-愈基層愈難請人,點敢炒,叫白領做咕哩?
-無佢哋藍領,R到生意都無人幫手做嘢啊!
-本來今日心情麻麻,睇完呢篇嘢,成個人舒服晒!
-咁都忍得,屎都食得!我係個經理就炒咗自己佢!
-好勁呀男神,點算呀,我可唔可以畀個飛吻你呀?
-總經理責任係將啲佢眼中釘先剷除,當然背後有大老闆暗中support先敢做,之但係捉人飲茶多五分鐘確係極低手,明顯總經理未夠班郁人。
-大把高層人工高,淨係識做埋啲低能訓導主任做嘅事!
 
無傷大雅又何必去得太盡?
雖然事件中的藍領員工確實有違規,可是連飲茶時間都不應擁有的白領經理,卻惡人先告狀來指責藍領員工的不是,實在引人發笑!結果反被藍領員工教訓也無可厚非……

不過,雖然二人皆有錯,但其實飲茶超時五分鐘,是否可以稍為通融?有時員工加班遲收工,公司又會否計足OT錢呢?「隻眼開,隻眼閉」乃一種與人相處的技巧,無傷大雅的行為,其實又何必去得太盡呢?白領經理還是其身不正地指責,真的難以說服對方……

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」
延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀:【職場戀愛】男上司同男下屬打機 情到濃時鍚咗啖 網民:快啲表白!
延伸閱讀:【職場戀愛】男上司追男下屬 結局竟然反轉? 網民:sweet過睇BL!
Look out for further updates on our Facebook fan page!