【職場文化】00後冇用WhatsApp兼唔肯下載 被同事指:唔識人情世故…

大家與上司和同事之間大多以甚麼通訊軟件來作公事上的溝通呢?如果公司所用的並非自己常用的通訊軟件,大家會否願意在自己的手機上下載此App?還是堅持不安裝?堅持的話,又會否擔心被指不合群、不懂得配合呢?

延伸閱讀:【職場鬼故】喺廁格啱啱出嚟 半秒後有人即鎖門 之後仲……

有網民在社交平台專頁「奴工處」上分享,指公司最近請了一位年輕卻不怎麼合群的新同事,「最近請咗個00後,好難相信而家啲人冇WhatsApp,婉轉咁叫佢download,佢居然話唔想下載啲奇怪App,問題成team人都習慣用WhatsApp傾公事,點解可以咁唔識人情細故!」

可能大家都會覺得使用WhatsApp其實很普遍,稍為下載應該沒甚麼大問題,為甚麼新同事卻不願配合?但其實如果是公司規定員工一定要用某App溝通,又真的合理嗎?

即睇網民回應:(按圖了解)

網民:「有得唔用我都唔想用。」

網民:「而家興用signal,係你唔識啫。」

網民:「擺明唔想畀你哋放工後搵佢啦!仲問?」

網民:「點解啲老前輩out到唔知WhatsApp就係奇怪App,點解咁唔識人情世故?」

網民:「私人電話本身就唔應該用嚟傾公事!」

網民:「咁先醒啊,放工放假唔使覆WhatsApp,不知幾好!」

網民:「依家啲公司,老奉咁霸佔人哋私人時間同電話,仲覺得理所當然,係咪要迫到人要出兩部機,一部公事一部放假用?」

網民:「部電話係自己裝咩Apps唔到公司管?」

網民:「我最憎私人電話上有公事來往。」

網民:「有日本人同事,堅持繼續用普通摺機,唔肯用smartphone,原因係smartphone機價貴,但有其他同事話有舊iPhone唔用,可以畀佢,佢都係唔肯用。」

網民:「人哋唔識人情世故定你唔識?」

網民:「出部公司機畀佢叫佢office hour用囉。」

網民:「真係要傾公事咪用teams囉!」

網民大鬧投稿者才是「唔識人情世故」!
亦有打工仔分享自己曾在一間公司工作,規定大家要用韓國通訊軟件Kakao Talk,覺得又要重新再學怎樣使用都挺不便的,不過很多打工仔都抱住多一事不如少一事的心態,沒有特別堅持不安裝,只是有點怨言地接受。

而事主所述的新同事,其實只是勇氣表達自己的想法,有網民更批評事主本身才是不懂得人情世故的一方!因為「部電話係自己裝咩Apps唔到公司管?」、「私人電話本身就唔應該用嚟傾公事!」,覺得事主的思想才真正有問題,公司和上司的安排其實很專制。

大家覺得呢?如果面對如此情況,大家會怎樣做?

延伸閱讀:【職場鬼故】喺廁格啱啱出嚟 半秒後有人即鎖門 之後仲……

延伸閱讀:【見工面試】有幾個offer喺手 可以點禮貌reject?6個Tips要學識!

延伸閱讀:【職場熱話】由文職轉做地盤 收入多咗但被屋企人睇唔起 網民:職業無分貴賤係呃人…

延伸閱讀:【職場熱話】老細喺客面前播錯鹹片!如果老細屈你食死貓 你肯唔肯?

Look out for further updates on our Facebook fan page!

Looking for jobs?