Follow CTgoodjobs for the latest career news, hot topics and recommended jobs!
Maybe Later Follow

【職場熱話】上司反口半工讀要扣假 事主:想即刻辭職

正所謂「書到用時方恨少」,許多在職人士於職場打滾了一段時間後感到工作到了瓶頸位置,進退兩難。為了職涯有所突破,不少人會選擇進修,裝備自己,務求令事業繼續前進。進修固然對個人成長來說當然是好事,但究竟應否使用工作時間去讀書呢?最近,有名打工仔向社交媒體專頁「奴工處」投稿,指摘上司反口,原先允許於上班時間進修,卻最終要求扣假,豈料圍爐失敗,最終被網民狠批。

延伸閱讀:【職場熱話】同事以放工進修為由 叫其他人硬食工作 網民:讀書大哂?

即睇事主分享及網民回應:(按圖了解)

►最新【旅遊 / 觀光】職位空缺

事主:「打算進修考牌半工讀,之後辭職轉行。公司比較free,而且已問准上頭可以俾我咁做,臨上堂一星期前反口,話我要扣年假去上。有無搞錯呀!搞到我勁想即刻遞信!本身都無心喺度做,年假用嚟早走好過用嚟上堂。」

網民:想半工讀,但又想拎全份糧?

網民:辦公時間內上堂,上司唔批,要求請AL上堂,真係上司錯?

網民:咁俾你係人情,唔俾你係道理嘅……正常本身都係要請AL去上堂㗎啦,你就真係有無搞錯,本末倒置!

網民:邊份工free到辦公時間可以出住糧去上堂,會唔會天真咗?

網民:我相信佢對公司比較free係理解錯咗free嘅界線。

網民:無心喺度做,又想出糧? 究竟上司錯,定樓主啱?

網民:諗唔明點解你讀完會辭職,公司仲要俾咁大著數你。

網民:你本身都打算過橋抽板,又憑咩話人反口覆舌……

網民:自己立心不良在先,偷唔到雞重呃埋自己係受害者咁大大聲話人,厚顏無恥嚟講你真係非常合乎標準。

網民:如果考咗個牌係有利公司既話,公司俾你用辦公時間去上堂係合理,但係你考牌係為咗辭職轉行,咁公司有咩理由俾你用辦公時間上堂?

►最新【醫療服務】職位空缺

►最新【市場營銷 / 公共關係】職位空缺

公司資助進修大多有條款 網民:公司唔會想做你水魚

眾多網民不齒事主打算過橋抽板的行為,猛烈批評。有網民認為「打工嘅唔想做人奴隸,開公司嘅都唔想做你嘅水魚」,認為兩者應該站在平等的位置上。實際上,香港不少公司鼓勵員工進修,期望員工增進的知識可以回饋公司,因此進修資助大多設有條款,例如:完成進修後必須繼續服務公司到某一個年期,否則進修資助須全部歸還。

有網民分享自己經歷,表示曾經要求公司停薪留職去歐洲學語言並獲上司批准,但人力資源部極力反對,打算直接解僱,最後因上司極力挽留而成功保住職位。該網民提醒事主,上司「出爾反爾,總有原因」,「背後好多嘢,我哋唔會知」。

英大學:半工讀應善用年假

香港長工時問題算是世界上數一數二,許多打工仔因而放棄重投書本的懷抱,就算在職報讀了課程,那些在職人士也可能因加班而需缺席課堂。即使是較注重「工作生活平衡」(Work Life Balance)的歐洲國家,也有大學提醒半工讀學生小心分配工作與讀書的時間。英國樸茨茅斯大學(University of Portsmouth)提醒學生在職讀書學生,需要「適當計劃工作量」,以及「訂立生活規律」。當然,該大學也認為「獲得僱主支持」必不可少,以免工時外的加班工作阻礙讀書進程,但同時認為學生在必要時需要「善用年假」達致最佳的讀書效果。

延伸閱讀:【面試攻略】成日問公司文化福利?00後見工最常犯的五件事

延伸閱讀: 【見工面試】GPA高但自覺醜樣 一直冇offer 網民:冇自信就輸咗!

延伸閱讀:【畢業就業】語言學畢業必定難搵工?入職宜認清學科優點


最新專訪片︰

【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte:我有克服所有困難的自信

 

Look out for further updates on our Facebook fan page!

Looking for jobs?