【職場熱話】中學排第一同第尾嗰位同學做緊乜?網民:唔掂就會被淘汰

於逝去的青春歲月裏,你總會遇上品學兼優的「學霸」,還有態度懶散的「學渣」。畢業往後,當年的同窗各散東西,前途各異,有些上了大學,有些則直接投身社會。假若有緣再會,究竟當年朝夕相對的同學今天變成了怎樣呢?最近,網上討論區「連登」有名網民發文,欲與眾人討論當年班上成績第一和最後一名在做甚麼工作,隨即引來熱烈的討論。究竟考第一那位前途是否一定最好呢?

延伸閱讀:【職場熱話】未來上司或同事 原來係舊同學!大家會覺得尷尬定冇所謂?

考第一必有最好前途?即睇事主分享及網民回應:(按圖了解)

事主:我中學嗰陣,考第一名嗰位做緊EO。

事主:最後一名輟學,之後送咗去澳洲讀書,做地產炒樓,有幾間放緊租。

網民:頭幾嗰啲做咗醫生

網民:全級第一DSE三十幾分,讀中大商科,讀緊嗰陣已經創業,而家一個月都有多過100K。第尾無再讀書,去咗跟車。

網民:第一名DSE差一分做狀元,fg底薪100k。最後一名就邊鬼個理。

網民:第一都仲有印象,第尾真係鬼記得,有keep聯絡嘅人都少啦。

網民:我班嗰個第一霉到做ACO……

網民:第一名好似係做測量,入咗去做測量聞說考咗牌入咗政府度做,入職嗰陣好似已經5萬幾。最後一名記得去咗做職安真漢子都搵到好多吓,幾年後已經有首期同佢女朋友買樓。

網民:我班有個成績好差,但有父幹,中學畢業已經有樓收租,收租炒股度日,無返過工。

網民:考最尾嗰班有人working holiday移民澳紐。

網民:不過唔少讀唔到上去嘅人去咗留學之後,so far都ok。

網民:成績差嗰堆,中學畢業做咗幾年嘢,但發覺自己學歷唔夠,所以返咗去讀書,但同屆已經大學畢業。

網民:第一做藝術家,第尾開咗舖頭仔搞小生意。兩個都唔係搵好多錢,但睇落好enjoy生活。

 

有學歷未必有前途 網民:唔掂就會被淘汰

直至今時今日,許多人仍然認同知識改變命運的想法,但社會向上流空間不斷收窄,書中未必有黃金屋。有網民指出,社會是個弱肉強食的世界,並非單靠知識就能從中脫穎而出,加上香港新世代自小就要與人競爭,贏在起跑線,假若「撈唔掂就會被人淘汰」。

另有網民認為,成功與否在於出身背景和際遇,學歷與「錢途」無關,更明言「香港地大把有學歷嘅人幫無學歷嘅人打工,有好多人連英文都唔識就做緊老細。」除此之外,更有留言表示身邊有反面例子,「當年第一名裁員失業,去咗做保安;當年考第尾,繼承家業,做咗公司主席。」

有網民好奇為何有些網民還會知道同學近況,因為「除咗熟個班之外,好多都消失咗一排咁」,而有網民回覆:「基本上,撈唔掂嗰班根本唔會畀你知佢做乜,更加唔會蒲頭,其實都幾悲哀。」

畢業後約見朋友別討論薪金!4個原因叫你別與舊同學比較:(按圖了解)

延伸閱讀:【職場熱話】打工仔嫌月薪16k低 怕畀同學笑 網民:唔通佢哋做積咁又話你知…

延伸閱讀:【職場熱話】投身社會工作後友情容易變質 打工仔感嘆:幾個月先message一次

延伸閱讀:【職涯規劃】兩名校DSE尖子棄「神科」 唔讀醫科居然選讀…

Look out for further updates on our Facebook fan page!

Looking for jobs?